Мәғариф министрлығы мәктәптә өйрәнеү өсөн патриотик йырҙар исемлеген әҙерләне

Исемлеккә башланғыс дөйөм һәм төп дөйөм белем биреү кимәлендә «Музыка» уҡыу предметы сиктәрендә методик тәьминәт сифатында ҡулланыу өсөн тәҡдим ителгән йырҙар индерелгән. Документ Рәсәй төбәктәренә ебәрелгән.

«Исемлеккә уҡыусыларға патриотик һәм рухи-әхлаҡи тәрбиә биреүгә йүнәлтелгән 37 йыр ингән. Мәктәптәр тәҡдим ителгән әҫәрҙәрҙе уҡытыу процесында ҡулланыу тураһында ҡарарҙы үҙаллы  ҡабул итә», — тиелә Рәсәйҙең мәғариф министрлығы белдереүендә.

Музыка дәрестәрендә балалар «Красно солнышко» (П. Аедоницкий, И. Шаферан), «День Победы» и «Как прекрасен этот мир» (Д. Тухманов, В. Харитонов), «Моя Москва» (И. Дунаевский, М. Лисянский), «У подножья обелиска» (А. Киселев, К. Чибисов) кеүек йырҙарҙы иҫенә төшөрәсәк йәки яңынан ишетәсәк.

Исемлеккә заманса әҫәрҙәр ҙә индерелгән. Улар араһында Ярослав Дроновтың (Shaman) «Моя Россия», Олег Газмановтың «Офицеры», «Бессмертный полк» һәм «Вперед, Россия», Сергей Трофимовтың «Родина», Денис Майдановтың «Россия» йырҙары бар.

Эксперт төркөмө составына Рәсәйҙең халыҡ артисы, дирижер Валерий Гергиев, Рәсәйҙең атҡаҙанған артисы, опера йырсыһы Илдар Абдразаҡов, Борис Щукин исемендәге театр институты ректоры, Рәсәйҙең халыҡ артисы Евгений Князев, Гнесиндар исемендәге Рәсәй музыка академияһы ректоры Александр Рыжинский һәм башҡа мәҙәниәт эшмәкәрҙәре ингән.

https://www.bashinform.ru/news/obrazovanie/2025-08-28/minprosvescheniya-podgotovilo-spisok-patrioticheskih-pesen-dlya-izucheniya-v-shkole-4365440