Республика колледждарында Берҙәм асыҡ ишектәр көнө үткәрелә

12 апрелдә Башҡортостандың 46 колледжында Берҙәм асыҡ ишектәр көнө уҙғарыла. Республика Мәғариф министрлығының матбуғат хеҙмәтенән хәбәр итеүҙәренсә, Асыҡ ишектәр көнө республика мәктәптәре, колледждары һәм техникумдарынан тыш, төп предприятиеларҙы ла берләштерә. Уҡыусылар, уларҙың ата-әсәләре һәм уҡытыусылары талап ителгән эшсе һөнәрҙәр, белем биреү программалары һәм эшкә урынлашыу мөмкинлектәре тураһында мәғлүмәт алырға мөмкин.

— Урта һөнәри белем биреү системаһы бөгөн квалификациялы кадрҙар әҙерләүҙең стратегик звеноһы булып тора һәм абитуриенттар араһында бик популяр, йәш быуын аңлы рәүештә эшсе һөнәрҙәрҙе һайлай, — тип һөйләне Башҡортостандың мәғариф һәм фән министры Илдар Мәүлитбирҙин.

Уның фекеренсә, төп бурыстарҙың береһе – мәғарифты һәм производствоны берләштереү, эш биреүселәр заказы буйынса квалификациялы кадрҙар әҙерләү һәм инвестиция проекттарына ихтыяж. «Профессионалитет» федераль проектын ғәмәлгә ашырыу ошо мәсьәләне һөҙөмтәле хәл итеүҙә ҙур роль уйнай.

Берҙәм асыҡ ишектәр көнөндә 8-11 класс уҡыусыларын «Профессионалитет» амбассадорҙары ҡаршылай һәм үҙ миҫалында проект программалары буйынса уҡыуҙың өҫтөнлөктәре хаҡында һөйләй.

Бынан алдараҡ колледж етәкселәре һәм студенттары Башҡортостанда урта һөнәри белем биреү өлкәһенең нисек үҙгәреүе хаҡында һөйләне.

https://www.bashinform.ru/news/obrazovanie/2025-03-26/v-kolledzhah-bashkirii-proydet-edinyy-den-otkrytyh-dverey-4172392