Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ғүмерҙең һәр минуты ҡәҙерле
Был тормоштоң мәғәнәһе шунда: Аллаһтың ҡушҡандарын үтәп йәшәү һәм Уның гүзәл ҡоло булып баҡыйлыҡҡа күсеү. Раббыбыҙ илсеһе Мөхәммәт ғәләйһис-сәләмдең юғары хис һәм ынтылыш менән тулы тормош өлгөһөнән рухи ғилем алып, иманлылыҡ, яҡшылыҡ, сабырлыҡ кеүек күркәм һыҙаттарға ынтылыу зарур.

Динебеҙ тарихында дөрөҫ йәшәү юлдарын күрһәткән, яҡшылыҡтың барыбер еңеп сығасағын иҫбатлаған һабаҡтар бихисап. Быны айырым яҙмыштарҙа ла күрергә мөмкин. Мәҫәлән, мәғлүм ки, Ҡарун тәүҙә ярлы һәм иманлы була, Тәүратты иң яҡшы тәфсир ҡылыусыларҙың береһе һанала. Муса ғәләйһис-сәләмдең доғаһы менән уға алхимия ғилеме бирелә. Тик шайтан һәм нәфсе ҡотҡоһона төшкән Ҡарун байлыҡҡа ҡыҙыға башлай. Һөҙөмтәлә шул ҡәҙәр күп мөлкәт туплай: хазиналары ятҡан келәт асҡыстарын әзмәүерҙәй ир-егеттәр саҡ күтәреп йөрөтә. Маһайыусанлыҡтан, байлыҡ көҫәүҙән арыныу теләге булмай Ҡарунда. Хазиналары менән бергә яуызлығы ла арта барып, оҙаҡламай һауалы залимға әүерелә. Хатта ки остаздарының урынына яҫҡына башлай. Муса ғәләйһис-сәләм уға мөлкәтенән зәҡәт түләргә кәрәклеге тураһында иҫкәрткәс, Ҡарун әҙәпһеҙ һәм тупаҫ рәүештә былай ти: “Әллә минең байлыҡҡа күҙең ҡыҙамы? Барыһын да үҙем эшләп таптым!..” Ошолай бөтөнләй хаттин ашҡас, барлыҡ байлығын ер йота.
Ошонан күренеүенсә, бөтөн мөлкәттең хужаһы Аллаһ Тәғәлә икәнен онотоп, әҙәм балаһы байлыҡ, дәрәжә артынан ҡыуа башлаһа, ныҡ аҙаша, яңылыша. Был йәһәттән Ҡөрьәндә шулай тиелә: “Әгәр Беҙ теләһәк, уны аяттар менән күтәргән булыр инек. Ләкин ул ерҙәге аҙғынлыҡҡа, үҙ нәфсеһенә эйәрҙе...” (“Кәртәләр” сүрәһенән).
...Бәхетле осорҙа йәшәгән иманлы Сәғләбә, фанилыҡтың ялтыр биҙәктәренә ҡыҙығып, мәңгелек бәхетен юғалта. Тәүҙә ул мәсеткә даими йөрөй, пәйғәмбәребеҙ Мөхәммәт ғәләйһис-сәләмдең бер генә вәғәзен дә ҡалдырмай. Ә аҙаҡ, байығас, иман йортона барыуын һирәгәйтә, бер аҙҙан юлды бөтөнләй “онота”. Өйөнә зәҡәт йыйыусылар килгәс, мөлкәтенән өлөш сығарыуҙан баш тартып, үҙен ҡыҙғаныс яҙмышҡа дусар итә. Үлер алдынан иһә әрнеп, үкенеп, Пәйғәмбәребеҙҙең һүҙҙәрен ҡат-ҡат иҫенә төшөрә.
Күреүебеҙсә, фанилыҡтағы һуңғы минуттары ниндәй булырын берәү ҙә белмәй. Ғүмер буйы яңылышып йөрөп тә, ахирәткә күсер алдынан хаҡ юлды тапҡандар бар, шул уҡ ваҡытта ғәмәл дәфтәрен ҡаза менән япҡан Ҡарун кеүектәр ҙә юҡ түгел. Әлбиттә ки, һәр кемдең тайып китеүе ихтимал, нәфсе менән шайтан уңайлы мәлде һағалап ҡына тора бит. Яңылыш юлға баҫмаҫ өсөн Аллаһ Тәғәләгә һыйыныу, ярлыҡау һорау зарур. Һәр әҙәм балаһы бүләк итеп бирелгән ғүмеренең ысын хаҡын белергә, уны хеҙмәт һәм күркәм ғибәҙәттәр менән биҙәргә тейеш.
Мосолман халҡы пәйғәмбәребеҙ Мөхәммәт ғәләйһис-сәләмдең сөннәтенә эйәрә. Мәхмүт Сәми әфәнде тап шундай мөьминдәрҙең береһе була. Уның тормошо – күркәм һабаҡ. Изге Ҡөрьән ҡушыуы буйынса, Сәми әфәнде һәр нәмәлә, барлыҡ ғәмәлдәрендә пәйғәмбәребеҙ Мөхәммәт ғәләйһис-сәләмдең сөннәтенә таяна. Уның ғүмере намаҙға аҙан әйтелгәндә өҙөлә. Был мәлдә янында торғандар ҡәрҙәшебеҙҙең “Аллаһ, Аллаһ, Аллаһ!..” тигән һуңғы һүҙҙәрен ишетә.
Ошоноң кеүек илаһи һөйөү күңелебеҙҙе биләп алһын өсөн рухыбыҙҙы юшҡындарҙан, бысраҡтан таҙалау зарур. Шул саҡта һәр күҙәнәгебеҙҙе яҡтылыҡ солғап алып, бөтөн тормошобоҙҙо нурландырыр. Бындай кеше һәр яҡлап матурлыҡ, изгелек өләшеп йәшәй, башҡаларҙың хаҡына кермәй, һүҙе менән дә, ғәмәлдәре аша ла һис кемгә зыян килтермәй. Рухи тайпылыштар иһә Аллаһтың барлығын һәм берлеген танымауҙан килә. Бар гонаһтар Раббыбыҙҙы онотҡан мәлдә башлана.
Ғүмеребеҙҙе Аллаһтың ҡушҡандарын үтәп, тыйғандарынан тыйылып, ғибәҙәттәр, күркәм ғәмәлдәр менән үткәреү мөһим. Беҙгә бирелгән ваҡыттың һәр минуты, сәғәте, көнө ҡәҙерле. Улар – изгелек ҡылыу, донъяны матурлыҡҡа күмеү өсөн бәхетле мөмкинлек.

А. НИҒМӘТУЛЛИНА.
Ишембай районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Донъя именлеге ниҙән башлана?

Донъя именлеге ниҙән башлана? 29.03.2019 // Иман

Бер хикмәттә, ололарҙың ғүмерен иғтибар, уларҙың кәңәштәрен тыңлай белеү оҙонайта, тиелгән. Бөгөнгө...

Тотош уҡырға 1 462

Юлға фатиха бирер

Юлға фатиха бирер 29.03.2019 // Иман

Мәсетле районының имам-мөхтәсибе Азамат Вәлиев битараф булмаған замандаштарыбыҙҙан изге эштә ярҙам...

Тотош уҡырға 1 376

Апрелдең изге кистәре

Апрелдең изге кистәре 29.03.2019 // Иман

Быйылғы апрель мосолман календары буйынса рәжәб һәм шәғбанға тура килә. Ә был айҙар, мәғлүм ки, иң...

Тотош уҡырға 1 466

Гүзәл затты хәстәрләмәһәк...

Гүзәл затты хәстәрләмәһәк... 01.03.2019 // Иман

Яҙ башында дәүләт тарафынан ҡабул ителгән иң матур байрамдарҙың береһе – 8 Март. Йәшәйештең нигеҙе,...

Тотош уҡырға 1 268

Ниндәй бүләк бирергә?

Ниндәй бүләк бирергә? 01.03.2019 // Иман

Ир-ат ҡатын-ҡыҙҙы байрамда матур бүләктәр менән һөйөндөрөргә тырыша. Исламда быға ниндәй ҡараш?...

Тотош уҡырға 1 886

Рәжәбтә ни сәсһәң,  Рамаҙанда шуны урырһың

Рәжәбтә ни сәсһәң, Рамаҙанда шуны урырһың 01.03.2019 // Иман

Мосолман календары буйынса 1440 йылдың яртыһы ла үтеп бара. Йома, 8 март, етенсе ай рәжәбтең...

Тотош уҡырға 1 468

“Тупһа”ғыҙ ныҡ булһын

“Тупһа”ғыҙ ныҡ булһын 08.02.2019 // Иман

Тупһа – йорттоң көҙгөһө. Ошоға бәйле хикмәтте иҫкә төшөрәйек....

Тотош уҡырға 1 560

Көнсөллөк нимәгә килтерә?

Көнсөллөк нимәгә килтерә? 08.02.2019 // Иман

Һәр әҙәм балаһы донъяла үҙенең көсө еткәнде эшләй. Ә инде төрлө ихтыяждарҙы ҡәнәғәтләндереү – Аллаһ...

Тотош уҡырға 1 714

Ҡөрьән – оло фән

Ҡөрьән – оло фән 08.02.2019 // Иман

Бөгөн – Рәсәй фәне көнө. Ошо уңайҙан мосолман донъяһында ғилемдең тотҡан урыны хаҡында иҫкә алып...

Тотош уҡырға 1 363

Матур кейенһен, биҙәнһен...

Матур кейенһен, биҙәнһен... 08.02.2019 // Иман

Әл-хәмдү лил-ләһ, мосолман ҡатын-ҡыҙы кейеме йылдан-йыл күркәмләнә, зауыҡлыраҡ, сағыуыраҡ була...

Тотош уҡырға 1 321

Һөнәрле ҡулында ҡот уйнай

Һөнәрле ҡулында ҡот уйнай 08.02.2019 // Иман

Үҙ көстәре менән ике ҡатлы ҙур йорт һалып, уңайлы шарттарҙа алты бала тәрбиәләгән, дини ҡанундарҙы...

Тотош уҡырға 1 330

Иргә ниҙәр тыйыла?

Иргә ниҙәр тыйыла? 01.02.2019 // Иман

Пәйғәмбәребеҙ Мөхәммәт ғәләйһис-сәләм мосолман ирҙәрҙе алтын-көмөш менән мауығып китеүҙән тыйған....

Тотош уҡырға 1 593