Башҡортостан Башлығы йәштәрҙең ауыл хужалығы менән ҡыҙыҡһыныуы хаҡында һөйләне » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Иҡтисад » Башҡортостан Башлығы йәштәрҙең ауыл хужалығы менән ҡыҙыҡһыныуы хаҡында һөйләне

Башҡортостан Башлығы йәштәрҙең ауыл хужалығы менән ҡыҙыҡһыныуы хаҡында һөйләне 21.08.2025 // Иҡтисад

Фото: Башҡортостан Башлығының социаль селтәрҙәре

Башҡортостан Башлығы йәштәрҙең ауыл хужалығы менән ҡыҙыҡһыныуы хаҡында һөйләне

Ҡалтасы районынан Дилара Низаметдинова һигеҙенсе йыл башҡорт тоҡомло аттар үрсетеү менән шөғөлләнә.

Аграр университетты тамамлаған ҡыҙ ата-әсәһе ярҙамында «Экони» фермаһын асҡан. Хужалыҡ аттар, ит ризыҡтары, органик ашламалар һата. Хәҙер бында 450 ат бар. Предприятиены үҫтереүҙә дәүләттең дә ярҙамы ҙур. 2022 йылда Дилара ауыл хужалығы министрлығының «Ғаилә фермаһы» программаһы буйынса грант — 12,8 миллион һум отҡан. Был аҡса инә малдар һанын арттырыу (хәҙер улар 160), мал аҙығы әҙерләү өсөн техника һатып алыу, һуйыу цехы төҙөү өсөн тотонолған. Хәҙер һөтсөлөк йүнәлешен дә үҫтереү планлаштырыла.

Дилара башҡорт тоҡомло аттарҙы бик ярата. Был аттар сыҙамлы булыуы, ныҡлы иммунитеты һәм юғары етештереүсәнлеге менән айырылып тора.

Республикала ғаилә фермаларына ярҙам күрһәтеү ғәйәт ҙур популярлыҡ менән файҙалана. Биш йыл эсендә 98 фермер 887,5 миллион һумлыҡ грант алған.

«Республиканың ауыл хужалығына эшһөйәр, маҡсатҡа ынтылған, уңышҡа өлгәшергә теләгән йәштәрҙең килеүен күреүе ҡыуаныслы. Уларға уңыштар теләйем! Ә беҙ мотлаҡ ярҙам итербеҙ», — тип яҙҙы Башҡортостан Башлығы Радий Хәбиров.

https://www.bashinform.ru/news/economy/2025-08-21/glava-bashkirii-rasskazal-o-fermershe-iz-kaltasinskogo-rayona-4356464

Автор: Элина Әхмәтова
Источник: https://bash.bashinform.ru/news/economy/2025-08-21/bash-ortostan-bashly-y-y-sht-r-e-auyl-huzhaly-y-men-n-y-y-ynyuy-ha-ynda-yl-ne-4356883

Баҫып сығарырға