Яңы йыл башынан өҫтәмә хаҡҡа һалым (НДС) 18 проценттан 20-гә тиклем арттырылды, әммә үҙгәрештәр бөтә тауарҙарға ла ҡағылмай.

Социаль әһәмиәтле тауарҙарға һалым артмаясаҡ. Был төркөмгә ит һәм ит аҙыҡтары (деликатестарҙан башҡа), һөт һәм һөт аҙыҡ-түлектәре, йомортҡа, үҫемлек майы, шәкәр, тоҙ, икмәк, он, ярма, тере балыҡ инә, ләкин балыҡтың ҡиммәтле төрҙәре, йәшелсә һәм балалар туҡланыуы тауарҙарына хаҡтарҙың артыуы көтөлә.

Өҫтәмә хаҡҡа һалымдың артыуы балалар өсөн трикотаж һәм тегеү әйберҙә­ренә, уйынсыҡ, аяҡ һәм баш кейемдәре; карауат, матрас, коляска кеүек тауарҙарға ҡағылмаясаҡ. Шулай уҡ һалым ставкаһы мәктәп уҡыусылары өсөн кәрәк-яраҡҡа, мәҫәлән, дәфтәр, альбом, пенал кеүек әйберҙәргә, үҙгәр­мәйәсәк. Медицина изделиелары өсөн дә һалым ставкаһы үҙгәрешһеҙ ҡала.

Ә кәнфит, чипсы, алкоголле эсемлектәр, һыра, колбаса, ит деликатестары, мандарин, еләк-емеш, карбонад һәм башҡа ҡайһы бер аҙыҡ-түлекте ҡиммәтерәк хаҡҡа һатып аласаҡбыҙ.