Республиканың Торлаҡ-коммуналь хужалыҡ министрлығында 15 район хакимиәте башлығы ҡатнашлығында кәңәшмә үтте.

Тап ошо биләмәләрҙә быйыл Хөкүмәттең яңы ҡарары тормошҡа ашырыла башлаясаҡ. Ул фатир һайын йылытыу системаһына күсеүгә һәм блоклы ҡаҙанлыҡтар асыуға ҡағыла. Торлаҡ-коммуналь хужалыҡ министры Сергей Афонин билдәләүенсә, быйыл Баймаҡ районының Иҫке Сибай, Белорет районының Яңы Абҙаҡ, Ишембайҙың Петровский, Хәйбулланың Бүребай ауылдарында һәм Дүртөйлө ҡалаһында ошоға йүнәлтелгән алты проектты тормошҡа ашырыу күҙаллана.
Кәңәшмәлә ҡабул ителгән ҡарарға яраш­лы, муниципаль берәмектәргә 1 апрелгә тиклем эште өлөшләтә финанслау документтарын, күп фатирлы йорт хужаларының йыйылыш протоколы, дәүләт экспертизаһының ыңғай һығымтаһы күсермәләрен, ҡала, район хакимиәттәренең, ауыл Советының ҡарарын тәҡдим итергә кәрәк. Бынан тыш, проект-тикшеренеү эше тормошҡа ашырыласаҡ Архангел, Баймаҡ, Бәләбәй, Балаҡатай, Бе­ло­рет, Благовар, Дүртөйлө, Иглин, Ҡа­ри­ҙел, Мәсетле, Миәкә, Стәрлетамаҡ, Саҡма­ғош райондарында 1 сентябргә тиклем кон­курс ойошторорға, дәүләт экспер­ти­за­һының ыңғай һығымтаһын алырға, муниципаль берәмек бюджетында ошо маҡсатҡа сығымдарҙы күҙ уңында тоторға кәрәк.