Башҡортостанда Хәбировтар ғаиләһендә өс игеҙ сабый тыуған

Башҡортостандың һаулыҡ һаҡлау министры Айрат Рәхмәтуллин Туймазынан Резеда һәм Илшат Хәбировтарҙы өс игеҙ сабыйҙары тыуыуы менән ҡотланы. Ведомство башлығы билдәләүенсә, бындай хәл – табиптар практикаһында һирәк күренеш.

Ғаиләлә ике малай һәм бер ҡыҙ тыуған. Ата-әсә улдарына – Искәндәр һәм Радель, ә ҡыҙҙарына Асель тип исем ҡушҡан. Улар 5 майҙа донъяға килгән һәм бер айға яҡын Республика перинаталь үҙәгенең яңы тыуған сабыйҙар реанимацияһында ятҡан.

Министр һүҙҙәренсә, өс игеҙәктең дә хәле тотороҡло.

https://www.bashinform.ru/news/medicine/2025-06-04/glava-minzdrava-bashkirii-pozdravil-semyu-habirovyh-s-troyney-4264247