Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Еңелмәҫ "Сыңғыҙхан" — башҡорт батыры
Еңелмәҫ "Сыңғыҙхан" — башҡорт батырыДенис Шафиҡов сираттағы мәртәбә Европа чемпионы булып танылды
Силәбе өлкәһенең Мейәс ҡалаһында йәшәүсе 26 йәшлек боксёр, IBO версияһы буйынса донъя чемпионы Денис Шафиҡов 25 февралдә Абердин ҡалаһында (Шотландия, Бөйөк Британия) сираттағы еңеүен яулап, Европа чемпионы титулын һаҡлап ҡалды. Дәғүәсеһе лә ниндәй ине бит әле — "Абердин үлтереүсеһе" тигән ҡушаматлы Британия Берҙәмлеге чемпионы Ли Макаллистер!
Ринг батырының ҡайтыуын ишеткәс, шылтыратып хәлен белеү, тәьҫораттарын уртаҡлашыу теләге тыуҙы. Телефонды әсәһе Бүләкәй Ғәли ҡыҙы алды.
— Денис иртәнсәк кенә ҡайтып етте. Әле йоҡлай, һуңғараҡ шылтыратырһығыҙ инде, — тине ул беҙгә.
Улының татлы йоҡоһон һаҡлаусы, шатлыҡ һәм ғорурлыҡ кисереп, шул уҡ мәлдә бихисап шылтыратыуға яуап биреп өтәләнеп йөрөүсе әсәнең үҙен дә ҡотларға, Фуат Исрафил улы менән икеһенә милли рухлы баһадир үҫтергәндәре өсөн рәхмәт еткерергә ашыҡтыҡ. Денистың һәр алышҡа башҡорт милли кейемендә — елән менән ҡамсат бүректә — сығыуы, ҙур маҡсаттарға ынтылып йәшәүе тап уларҙың тәрбиәһенән килә.
Буласаҡ чемпионды атаһы бәләкәйҙән бокс түңәрәгенә ылыҡтырһа, тормошта дөрөҫ юл күрһәтһә, әсәһе уның рухи бөтөнлөгөн хәстәрләгән, халҡына һөйөү тәрбиәләгән. Ошо урында Бүләкәй Шафиҡованың Силәбе өлкәһендәге милләттәштәребеҙ араһындағы абруйын билдәләп үтке килә. Ул Мейәс ҡалаһында уҙған милли сараларҙан бер ҡасан да ситтә ҡалмай. Мәғрифәтсе, шағир Мифтахетдин Аҡмулланың ҡәберен тәрбиәләү бурысын да үҙ өҫтөнә алған.
Икенсе шылтыратыуыбыҙға чемпион үҙе яуап бирҙе. Тауышы көр.
— Денис, хәҙер һинең менән алышҡа сығырға теләүсе ҡыйыу боксёрҙар ҙа ҡалмағандыр инде, — тибеҙ уйынлы-ысынлы, сөнки уның профессиональ рингтағы утыҙға яҡын алыштың береһендә лә еңелгәне юҡ.
— Был алыштан һуң тәҡдимдәр, киреһенсә, арта башланы. Иртәгәнән киләһе ярышҡа әҙерләнә башлаясаҡмын. Хәҙер донъя чемпионы титулы өсөн көрәшергә әҙер икәнлегемде тоям, — тине башҡорт батыры.
Шотланд боксёрынан өҫтөнлөк алыу Денистың спорт даирәһендәге абруйын бермә-бер арттырҙы. Ул көсөргәнешле алышты һуш китерлек тамашаға әүерелдерә белеүе менән дә спорт һөйөүселәрҙең ихтирамын яуланы.
— Ли Макаллистерҙы үҙ илендә бик яраталар, ҙурлайҙар. Барыһы ла уға ставка яһаны, уның өсөн янып-көйҙө. Шулай ҙа үҙ-үҙемә ышанысым көслө булды. Беренсе раундта "Абердин үлтереүсеһе"нең көсөн самалап ҡараным. Мине тиҙ бирешер тип уйланылар. Икенсе раундтан һөжүм итергә тотондом. Һигеҙенсе раунд башланғас, ул артабан көс һынашыуҙан баш тартты. Тамашасыға алыш оҡшаны шикелле, һуңынан килеп автограф алдылар, бергә фотоға төштөк, — тип хәтергә төшөрҙө "Сыңғыҙхан" (Д. Шафиҡовтың рингтағы ҡушаматы) йондоҙло минуттарын.
Чемпионыбыҙ хәстәрлекле атай ҙа булып сыҡты — улы Артёмды йәһәтерәк балалар баҡсаһынан барып алырға ашыҡты. Өйҙә уны һөйөклө ҡатыны Эльмира менән кескәй ҡыҙы Юлиә көтә ине.
Нурзиә ХӘСӘНОВА.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә

  1. Нурзия Хасанова
    Нурзия Хасанова от 29.02.2012, 12:29
    Денистын был алышын 122 минут та 35 секундта карагыз:

    http://news.sportbox.ru/Vidy_sporta/Boks/Professionalnyj/spbvideo_NI292794_Denis
    -SHafikov-Rossiya-protiv-Li-MakAllistera-Vel

  2. Айбар
    Айбар от 29.02.2012, 19:23
    Рэхмэт , Нурзиэ, был мэкэлэ осэн, шатландырзын.






Юҡ инде, һеҙ беҙгә...

Юҡ инде, һеҙ беҙгә... 31.03.2019 // Спорт һәм туризм

“Салауат Юлаев” менән “Авангард” хоккей командалары араһында икенсе матч башланды. Тәүгеһе элекке...

Тотош уҡырға 1 204

Йөҙ көн ҡалды

Йөҙ көн ҡалды 31.03.2019 // Спорт һәм туризм

Быйыл 9 – 14 июлдә Өфөлә Халыҡ-ара балалар уйындары була....

Тотош уҡырға 968

Бөркөттәрҙе йыйҙы "Бөркөт"

Бөркөттәрҙе йыйҙы "Бөркөт" 30.03.2019 // Спорт һәм туризм

Сибай ҡалаһының “Бөркөт” физкультура-һауыҡтырыу комплексында Башҡортостан Мәғариф министрлығының...

Тотош уҡырға 931

Мәғариф хеҙмәткәрҙәре майҙан тотто

Мәғариф хеҙмәткәрҙәре майҙан тотто 30.03.2019 // Спорт һәм туризм

Хәйбулла районы үҙәге Аҡъярҙа Урал аръяғы район-ҡалаларының мәғариф учреждениелары хеҙмәткәрҙәре...

Тотош уҡырға 923

Белореттар әле лә саңғыла

Белореттар әле лә саңғыла 30.03.2019 // Спорт һәм туризм

Бөгөн Белорет районының “Ҡурташ” спорт-һауыҡтырыу комплексында саңғы буйынса Белорет районының асыҡ...

Тотош уҡырға 328

“Ҡарсығалар” беҙҙән ҡурҡамы?

“Ҡарсығалар” беҙҙән ҡурҡамы? 29.03.2019 // Спорт һәм туризм

Бөгөн Өфө ваҡыты менән киске сәғәт 10-сы яртыла “Салауат Юлаев” хоккей командаһы “Авангард” менән...

Тотош уҡырға 220

Себерҙә ауылды танытып ҡайттылар

Себерҙә ауылды танытып ҡайттылар 27.03.2019 // Спорт һәм туризм

Бөрйәндәр, ғафуриҙар, өфөләр, әлшәйҙәр, балаҡатайҙар, балтастар......

Тотош уҡырға 249

Башҡортостан данын Бөрйәндәр яҡланы

Башҡортостан данын Бөрйәндәр яҡланы 27.03.2019 // Спорт һәм туризм

18 - 24 мартта Төмән ҡалаһында IX Бөтә Рәсәй ҡышҡы ауыл спорт уйындары үтте....

Тотош уҡырға 481

Ҡар бураны уйнатты... Монах

Ҡар бураны уйнатты... Монах 27.03.2019 // Спорт һәм туризм

Өфөләге “Аҡбуҙат” ипподромында республика райондары араһында “Терра Башҡортостан” ат-спорт...

Тотош уҡырға 195

Йәш мәргәндәр сыҡты майҙанға

Йәш мәргәндәр сыҡты майҙанға 26.03.2019 // Спорт һәм туризм

Башҡортостандың 100 йыллығы уңайынан Учалыла ошо көндәрҙә балалар һәм үҫмерҙәр араһында Зәйнулла...

Тотош уҡырға 179

“Билмән”гә берәүҙең дә көсө етмәне

“Билмән”гә берәүҙең дә көсө етмәне 26.03.2019 // Спорт һәм туризм

Красноярск ҡалаһында бик ҡыҙыҡ ярыш уҙҙы. Унда сикәгә сабыу буйынса беренсе донъя чемпионаты...

Тотош уҡырға 210

Баймаҡ арғымаҡтары һынатмай

Баймаҡ арғымаҡтары һынатмай 25.03.2019 // Спорт һәм туризм

Баймаҡ районы — республикала йылҡысылыҡ тармағын үҫтереү буйынса тәүге урында тора. Район йылҡы...

Тотош уҡырға 185