Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Баҫыуға сығырға әҙербеҙме?
Бөгөн республика ауыл хужалығы предприятиеларында, крәҫтиән (фермер) хужалыҡтарында яҙғы баҫыу эштәренә әҙерлек киң ҡолас менән бара. Иртә таңдан ҡара кискә ҡәҙәр ауыл эшсәндәре техника торошон тикшерә, ремонт талап иткәндәренә алмаш частар хәстәрләп, әҙерлек һыҙығына баҫтыра. Бынан тыш һәр ерҙә малсылар ҡышлатыу миҙгелен уңышлы тамамлау бурысы менән дә йәшәй.


Шишмә районының “Агро-Альянс” яуап­лылығы сикләнгән йәм­ғиәте оҫтаха­нала­рында ла әле ҡыҙыу осор. Механизаторҙар сәскестәрҙе, тырма-культиваторҙарҙы ремонтлап, сәсеүгә әҙер­ләй. Бында техник потенциал ныҡлы. Парк­тың яңы булыуы ла артыҡ ремонт эштәре талап итмәй. Уны йыл һайын яңы ауыл хужалығы техникаһы, ҡеүәтле комбайндар, йөк машиналары менән яңыртып торалар, уның өсөн аҡса йәлләмәйҙәр. Ҡаҙнанан техника һатып алыуға киткән сығым үҙ сиратында эш ҡеүәтен, һөҙөмтәлелекте арттырыуға булышлыҡ итә, ти белгестәр.
Ысынлап та, хужалыҡ баҫыуҙарын бөгөн сит илдә һәм Рәсәйҙә етештерелгән ҡеүәтле ауыл хужалығы техникаһы иңләй. Шуныһы ла мөһим: йәмғиәттә сәсеү миҙ­геле тураһында хәстәрлек күреү ураҡ кампанияһы тамамланғас та башлана, орлоҡ таҙартылып киптерелә, аҙаҡ тейешле кондицияға еткерелеп, келәттәргә һаҡлауға һалына. Әлбиттә, бындай күре­неш етәкселектең эште ойоштора беле­үен, хәстәрлекле булыуын аңлата. Бынан бер нисә йыл элек орлоҡ һаҡлау өсөн заманса келәттәр, амбарҙар, орлоҡ таҙарт­ҡыс комплекс төҙөп ултыртҡандар.
Нигеҙҙә, үҫемлекселек, малсылыҡ менән ныҡлап шөғөлләнгән хужалыҡтың ете мең гектар һөрөнтө ере бар. Йыл һайын ауыл эшсәндәре иген культуралары, шәкәр сөгөлдөрө, кукуруз, күп йыллыҡ үләндәр сәсеп, мул ғына уңыш алыуға өлгәшә.
– Беҙҙә уңған, тырыш халыҡ эшләй, шуға һөҙөмтәләребеҙ ҙә яҡшы, йәмғиәт тә төбәктә алдынғылар иҫәбендә, – ти баш агроном, Башҡортостандың атҡаҙан­ған ауыл хужалығы хеҙмәткәре Рәмил Солтангәрәй улы Ибраһимов. – Шөкөр, ҡышлатыу миҙгелендә бер ниндәй ауыр­лыҡтарға осраманыҡ, сифатлы аҙыҡҡа ҡытлыҡ булмағас, малдар көр, етеш­тереүсәнлек тә артты.
Әйткәндәй, йәмғиәттә бер меңгә яҡын ҡара-сыбар тоҡомло һыйыр малы аҫрала, шуның өс йөҙҙән ашыуы – һауын һыйыры. “500 ферма” республика маҡсатлы прог­раммаһына ингән хужа­лыҡ­тың барлыҡ фермалары ла заманса йыһаз­лан­дырылып, һөт, һыу үт­кәргестәр урын­лаш­тырылған. Һәр белгескә айырым эш бүлмәһе ҡарал­ған.
Алдынғы һауынсылар Эльвира Латипова, Гүзәл Наси­рованың, механи­за­тор­ҙар Айрат Вәли­әхмәтов, Альберт Нуриев, Сергей Вигуляр менән Рәмзис Бикбу­латовтың хеҙмәтен етәксе­лек һәр яҡлап маҡтап телгә алды.
Әҙер продукция хужа­лыҡтың “Молочная долина” эшкәртеү цехына оҙатыла, унда һөт, ҡаймаҡ, кефир, ҡатыҡ һәм башҡа һөт ри­зыҡтары етештерәләр. Сифатлы аҙыҡ район ауылдары мәктәп­тәренә, балалар баҡсаларына, һаулыҡ һаҡлау учреждениеларына, Өфө ҡала­һында урынлашҡан сауҙа нөктәләренә ебәрелә.
Ауыл халҡының рәхәтләнеп ял итергә ваҡыты ла юҡ, сөнки үҫемлекселектә, малсылыҡта байрам юҡ. Әле иһә бар халыҡ киләһе уңышты хәстәрләп, яҙғы сәсеүгә әҙерләнә. Хужалыҡта өс ауылдан йәмғеһе 70 кеше эш менән мәшғүл. Хеҙмәт хаҡы ваҡытында һәм тотҡарлыҡһыҙ түләнгәс, премиялар ҡаралғас, эшселәргә ҡытлыҡ кисермәйҙәр, шуға башҡа ауыл­дарҙан да эш һорап мөрәжәғәт итеүселәр бар икән. Күп кенә урында йәштәр ауылды ташлап ҡалаға эшкә китә тип зарлан­һалар, бында ундай мәсьәлә тормай. Шулай уҡ юғары һәм урта махсус белемле кадрҙар ҙа етерлек. Хужалыҡ етәкселеге хеҙмәткәрҙәрҙең хеҙмәтен ярайһы ғына баһалап, дәртләндереү сараларын да булдырған: күп кенә алдынғылар бушлай ял йорттарында һаулығын нығыта, уңыш йыйыу осоронда алһыҙ-ялһыҙ уңғанлыҡ күрһәткән ялан батырҙары эш һөҙөм­тәләренә ҡарап, еңел автомобиль менән бүләкләнә.
Техника бөгөндән баҫыуға сығырға әҙер, сөнки техник күҙәтеү күптән үткән. Етәкселектең тырышлығы менән элиталы орлоҡ, 500 тонна минераль ашлама, ураҡҡа ҡәҙәр етерлек яғыулыҡ хәстәр­ләнгән. Тимәк, ҡыҙыу миҙгелдә уларға ҡытлыҡ һиҙелмәйәсәк. Көндәрҙең йылы тороуын иҫәпкә алып, әле ауыл эшсәндәре орлоҡто ағыулау эшенә тотонорға йыйына.





Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 490

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 130

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 461

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 123

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 123

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 103

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 126

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 96

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 142

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 170

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 171

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 191