Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Темәс халҡы үҙ тарихын яҙҙы
Дәүләтселегебеҙҙе төҙөүҙә ҙур роль уйнаған Темәс ауылының данлы, шанлы тарихы бар. Тап ошо ерҙә Башҡорт автономияһы тураһында хәл иткес ҡарарҙар ҡабул ителгән, милләтебеҙ зыялылары халҡыбыҙ, илебеҙ мәнфәғәтендә ҙур эштәр алып барған.

Бәрәкәтле Баймаҡ ере бөгөн дә Әхмәтзәки Вәлиди, Шәйехзада Бабич, Шәһит Хоҙайбирҙин, Муса Мортазин, Юныс Бикбов һәм халҡыбыҙҙың башҡа аҫыл ир-егеттәренең эҙҙәрен һаҡлай, һәм бында уларҙың исемен мәңгеләштереү йәһәтенән бихисап эш башҡарыла.

Шундай ғәмәлдәрҙең береһе – Темәс ауылының энциклопедияһы донъя күрәсәк. Йыйынтыҡ “Башҡорт энциклопедияһы” ғилми нәшриәтендә әҙерләнә.

Ауыл биләмәһе башлығы Айгөл Байрамғолова әйтеүенсә, темәстәрҙә бындай хеҙмәт төҙөү теләге биш йылдан ашыу элек барлыҡҡа килгән. Урындағы тарих һәм тыуған яҡты өйрәнеү музейы хеҙмәткәрҙәре башланғысты хуплап, тәүге яҙмаларҙы йыйып туплай. Артабан был эшкә ауыл халҡы йәлеп ителә, ололар, уҡыусылар, мәктәп коллективы ярҙам итә. Һәр кем ниндәй ҙә булһа мәғлүмәт таба, хәтер ебе тағатыла.

Ғөмүмән, энциклопедияны әҙерләү эше Темәс ауылында йәшәүселәрҙең дөйөм көсө менән атҡарыла.

– Ошо изге башланғысты хуплап, уның тормошҡа ашыуына булышлыҡ иткән һәр кемгә рәхмәт, – ти Айгөл Байрамғолова. – Бигерәк тә Темәстә тыуып үҫеп, әле төрлө төбәктәрҙә эшләгән һәм йәшәгән ауылдаштарҙың йөҙәр мең һумлап матди ярҙам күрһәтеүенә, урындағы йүнселдәрҙең булышлығына ҙур рәхмәтлебеҙ. Бындай хәстәрлек булмаһа, ҙур сумма талап иткән йыйынтыҡты баҫтырып сығара алмаҫ инек. Ошондай берҙәмлек, илһөйәрлек арҡаһында ауылыбыҙ тарихы киләсәк быуындарға еткерелер, Темәс бар донъяла танылыр.

Урындағы урта мәктәптең тарих уҡытыусыһы Юлай Мусин – мәғлүмәт туплаусыларҙың береһе.

“Материалдарҙы йыйыуға илленән ашыу кеше йәлеп ителде. Һәр беребеҙ айырым тема буйынса эшләнек, – ти ул. – Кемдер тарихи шәхестәрҙе өйрәнһә, икенселәр ер-һыу атамаларын йыйҙы, бәғзеләр ауылдың арҙаҡлы кешеләрен барланы. Бер кемде лә, бер тарихи ваҡиғаны ла ситтә ҡалдырмаҫҡа тырыштыҡ. Ғәйәт ҙур мәғлүмәт тупланды, архив материалдары өйрәнелде. Эшкә мәктәп уҡыусылары ла йәлеп ителде. Улар бигерәк тә ауыл тарихын өйрәнеүҙә теләп ҡатнашты, төйәге өсөн ғорурланды. Был, әлбиттә, күңелдәрҙә илһөйәрлек тойғоһо тәрбиәләүгә булышлыҡ итте”.

Энциклопедияла Темәс ауылының үткәнен, бөгөнгөһөн сағылдырған тарихи фотолар ҙа урын аласаҡ.

Тотош дәүерҙе үҙ эсенә йыйған китап темәстәрҙә генә түгел, ә илен, тарихын, халҡын хөрмәт иткән һәр башҡорт ғаиләһендә урын алыр тигән ышаныста ҡалайыҡ.


Автор: К. ИШБУЛДИНА.
Фото: Автор фотоһы.
Район: Баймаҡ районы.


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Бер быуаттан йәнә тупланы Темәс

Бер быуаттан йәнә тупланы Темәс 31.03.2019 // Рухиәт

Тап бынан йөҙ элек булған кеүек үк, ҡунаҡтарҙы Темәс ерендә һыбайлылар флагтар тотоп ҡаршы алды....

Тотош уҡырға 385

Татарстан башҡорттары ҡоролтайға әҙерме?

Татарстан башҡорттары ҡоролтайға әҙерме? 30.03.2019 // Рухиәт

Бөгөн Ҡазанда Татарстан башҡорттары ҡоролтайы ултырышы булды....

Тотош уҡырға 367

Бабичтың кендек ҡаны тамған ер ул Ҡыйғаҙытамаҡ!

Бабичтың кендек ҡаны тамған ер ул Ҡыйғаҙытамаҡ! 30.03.2019 // Рухиәт

Башҡортостан автономияһының йылъяҙмасыһы, дәүләт эшмәкәре, шағир, музыкант, ойоштороусы Шәйехзада...

Тотош уҡырға 390

Шәхестәре данлай төйәкте

Шәхестәре данлай төйәкте 30.03.2019 // Рухиәт

Башҡортостандың 100 йыллығы уңайынан Ейәнсура районы үҙәге Иҫәнғолда күркәм байрам тантаналары...

Тотош уҡырға 444

Санкт-Петербургта – башҡорт ҡоролтайы

Санкт-Петербургта – башҡорт ҡоролтайы 30.03.2019 // Рухиәт

V Бөтә донъя башҡорттары ҡоролтайына республикабыҙҙың ҡала-райондарында, милләттәштәребеҙ күпләп...

Тотош уҡырға 364

Байғусҡар музейында – тәүге ҡунаҡтар

Байғусҡар музейында – тәүге ҡунаҡтар 27.03.2019 // Рухиәт

Хәйбулла районының Байғусҡар мәҙәниәт йорто янында музей асылды. Уны экспонаттар менән...

Тотош уҡырға 156

Дәүләкәндәр ҡорға йыйылды

Дәүләкәндәр ҡорға йыйылды 27.03.2019 // Рухиәт

Бөгөн Дәүләкән ҡалаһында район башҡорттары ҡоролтайы ултырышы үтте....

Тотош уҡырға 119

Беҙ үҙебеҙҙекеләрҙе ташламайбыҙ!

Беҙ үҙебеҙҙекеләрҙе ташламайбыҙ! 23.03.2019 // Рухиәт

Республика Башлығы вазифаһын ваҡытлыса башҡарыусы Радий Хәбиров юбилей тантанаһында тел һәм...

Тотош уҡырға 220

Дуҫлыҡ тамырҙарыбыҙ тәрәндә

Дуҫлыҡ тамырҙарыбыҙ тәрәндә 23.03.2019 // Рухиәт

Республикабыҙҙың оло байрамына тѳрлѳ милләт вәкилдәре килде. Уларҙың һәр ҡайһыһы Башҡортостанға,...

Тотош уҡырға 114

Хәлең нисек, Хәйбулла башҡорто?

Хәлең нисек, Хәйбулла башҡорто? 23.03.2019 // Рухиәт

Республиканың 100 йыллығын билдәләү уңайынан Аҡъяр мәҙәниәт йортонда Хәйбулла районы башҡорттары...

Тотош уҡырға 131

Вәкәләтле илселәр

Вәкәләтле илселәр 22.03.2019 // Рухиәт

Бына нисәмә йыл инде “Китап” нәшриәте уҡыусыларын һөйөндөрөп, халыҡҡа рухи аҙыҡ өләшә....

Тотош уҡырға 121

Тарих ни һөйләй?

Тарих ни һөйләй? 20.03.2019 // Рухиәт

Иле бар халыҡ кәм булмаҫ....

Тотош уҡырға 153