Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Миңә ҡомалаҡ икмәген бирегеҙ!”
Магазин кәштәләрендә хәҙер икмәктең ниндәйе генә юҡ, йәнең теләгәнен һайлап һатып ал: бойҙай, бойҙай-арыш, кәбәк һәм төрлө тәмләткес-өҫтәмәләр ҡушып бешерелгәне. Әммә ҡомалаҡ әсеткеһенә ҡабартып, мейестә әҙерләнгәненә өҫтөнлөк бирә бөгөн күптәр. Бындай икмәк тәмле, хуш еҫле, иң мөһиме, оҙаҡ һаҡланыусан. Шуға ла ҡомалаҡтан әсетеп бешерелгәненә һатып алыу­сылар араһында ихтыяж ҙур.

Яңы Ҡалмаштан шәхси эшҡыуар Флорида Әмирйән ҡыҙы Вәлиева бөгөн ауылдаштарын ғына түгел, район үҙәге халҡын, бынан тыш, күрше Кушнаренко районын да хуш еҫле ҡомалаҡ икмәге менән тәьмин итә. Ире Далмир Мәхмүт улы — Флорида апайҙың тоғро ярҙамсыһы, кәңәшсеһе.

— Икмәк — төп ризығыбыҙ, унһыҙ өҫтәлдең йәме лә, аштың тәме лә юҡ, — ти Флорида апай. — Элек-электән өләсәйҙәребеҙ, әсәйҙәребеҙ шулай бешергән, төрлө бәлеш менән балаларын, ҡунаҡтарҙы һыйлаған, шуға ла ҡомалаҡ икмәге етештерергә тотондоҡ.


Далмир ағай оҙаҡ йылдар туған колхозында төрлө вазифа биләй, Флорида Әмирйән ҡыҙы баш бухгалтер була. Вәлиевтәр, ауыл тормошон яҡшы белгәс, ауылдың район үҙәгенән йыраҡ урынлашыуын, магазин булмауын иҫәпкә алып, үҙҙәре йәшәгән йорт янында буш торған ерҙе һатып ала һәм Яңы Ҡалмашта бәләкәй икмәкхана төҙөй.

2016 йылда уңған ғаилә эшмәкәрлеген йәйелдереп ебәрә. Яңы эш башлаған эшҡыуарға дәүләт 200 мең һум күләмендә аҡсалата ярҙам да күрһәтә. Ошо суммаға үҙҙәренең дә йыйған аҡсаһын ҡушып, ҡамыр баҫыу машинаһы, электр мейесе, башҡа ҡорамалдар һатып ала. Әле Флорида Әмирйән ҡыҙы дүрт кешегә эш урыны булдырған.

Икмәк бешереүселәрҙең эше еңелдән түгел. Улар кис икмәкханаға килеп, ҡамыр баҫа, уны ҡабартып алыу өсөн бер нисә мәртәбә болғап, әйләндереп-тулғандырып ала. Һуңынан ҡамырҙы йомарлап, үлсәп, майланған форма-табаларға һалалар, берәй сәғәттән һуң уны мейескә оҙаталар. Әйткәндәй, ҡомалаҡты эшҡыуар сентябрҙә йыйып ала, уны сифатлы һаҡлау өсөн махсус урын да булдырғандар.

— Шөкөр, ҡыҙҙар үҙ бурысын намыҫлы башҡара, һәр береһе икмәк бешереү нескәлектәрен яҡшы белә. Ауыл халҡы ла яңы ғына мейестән сыҡҡан хуш еҫле әпәкәй алыу өсөн иртә менән беҙгә ашығып килә, — ти Флорида апай.


Бөгөн эшҡыуар тәүлегенә 500-600 дана икмәк бешерә, ҡайһы саҡ заказдар күберәк тә була, шулай ҙа һатып алыусыларҙың ихтыяжын ҡәнәғәтләндерергә тырыша. Әҙер продукцияны Далмир ағай еңел машинала ҡулланыусыларға ваҡытында, иң мөһиме, йылы һәм эҫе килеш алып барып еткерә. “Беҙҙең икмәкте иртән һәр кем көтөп ала, шуға ла табынға йылы әпәй тотҡарлыҡһыҙ барып ятһын өсөн йоҡламаҫҡа кәрәк. Ә ҡулланыусыларҙың теләге — беҙҙең өсөн закон”, — ти Далмир ағай.

Ондо күмәртәләп Ырымбур өлкәһенән, Ҡаҙағстандан һатып алалар. Ике яҡ өсөн дә уңайлы килешеүҙәр нигеҙендә уны фирмалар үҙҙәре алып килә икән.

Киләсәккә эшҡыуарҙың уй-хыялы бихисап. Икмәктән тыш, төрлө кондитер ризыҡтары етештереп, халыҡты ҡыуандырырға ниәтләй. Тағы ла икмәк һатыу нөктәләре һанын арттырырға иҫәп тота. “Теләк тә, көс-дарман да етерлек. Шөкөр, эшләргә шарттар бар”, — ти Флорида Әмирйән ҡыҙы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 233

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 969

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 154

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 266

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 085

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 271

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 061

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 346

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 370

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 307

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 316

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 262