Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Ҡыҙ бала – өйгә биҙәк” ти Хәйбулла районында йәшәүсе Суриндар
“Ҡыҙ бала – өйгә биҙәк” ти Хәйбулла районында йәшәүсе СуриндарБәләкәй Арыҫланғол ауылынан Фариза менән Хөрмәт Суриндар үҙҙәренең ике улы ҙурайып, Өфөгә уҡырға киткәс, яндарына ике ҡыҙҙы тәрбиәгә ала.


Ошо ауылда тыуып үҫкән, бәхет­тәрен тыуған ерендә тапҡан Суриндар 1987 йылда өйләнешә. Тормоштарын йәмләп бер-бер артлы Радик һәм Илмир улдары донъяға килә.
Бөгөн уларҙың икеһе лә Себер тарафтарында эшләй. Радик кәләше менән сәскәләй ике ҡыҙ үҫтерә, бәләкәстәре әлегә өйләнмәгән. Улдарын оло тормош юлына оҙатҡан ғаилә ҙур йортта үҙҙәре генә тороп ҡала. Кәртә тултырып мал-тыуар, ҡош-ҡорт аҫрайҙар, мул, етеш тормошта йәшәйҙәр. Донъяларына нимәлер етешмәгән кеүек, етемһерәп торғандай тоя улар үҙҙәрен. Фариза Хөсәйен ҡыҙы ситләтеп кенә тормош иптәшенә берәй баланы тәрбиәгә алыу, бигерәк тә ҡыҙсыҡ тәрбиәләү тураһында һүҙ ҡуҙғата. Шуны ғына көткән тиерһең, Хөрмәт Азат улы шунда уҡ йәмәғәтенең һүҙен хуплай.
Күп тә үтмәй, тейешле документтар юллап, опека органдарына тапшырыла. Яуап һүҙ оҙаҡ көттөрмәй: ғаиләне Сибай ҡалаһына саҡыралар. Йөрәкһенеп, юлда бер-береһенә һүҙ ҡушырға ла ҡыймай, һәр кем үҙ уйҙарына бикләнеп, балалар приютына килә улар. Уларға ҡыҙҙың яңғыҙ түгеллеген, бер туған һеңлеһе барлығын да әйтәләр. Тәүҙә ҡыҙҙарҙы ун көнгә ғаилә менән таныштырыу маҡсатында Суриндарға алып ҡайтырға рөхсәт бирелә. Ул саҡта Ленаға ни бары алты, ә Әлиәгә өс йәш тә тулмаған була.
— Барып күргәс тә, ҡыҙҙар күңелгә оҡшаны. Лена урыҫса һөйләшә ине, — тип ул мәлде хәтергә алды хужабикә. — Тәүҙә өйҙөң һәр әйберен ҙур ҡыҙыҡһыныу менән ҡабул иттеләр, бигерәк тә малдарҙы яраттылар, тышта рәхәтләнеп уйнарҙар ине. Яйлап ҡыҙҙар менән уртаҡ тел таптыҡ, бер-беребеҙгә яҡыная башланыҡ, нисектер күңелгә яҡын һәм ҡәҙерле кешеләргә әүерелделәр.
Суриндар еткән улдары менән дә кәңәшләшә, атай-әсәйҙең был аҙымын улар ҙа хуплай. Хатта һеңлеләрен күрергә ҡайтып та етәләр. Тәғәйенләнгән көнгә Суриндар, ике ҡыҙҙарын машинаға ултыртып, хәҙер инде уларҙы ҡалдырырға түгел, ә документтар юллап, үҙҙәренә тәрбиәгә алырға бара. Шуны ла әйтергә кәрәк: ауылда тәрбиәгә балалар алғандар күп. Бер ауылда ғына дүрт ғаиләлә ата-әсә наҙынан мәхрүм ҡалған 10 бала тәрбиәләнә.
Бөгөн Лена 8-се класта, Әлиә 6-сыла белем ала. Ҡыҙҙарҙың икеһе лә уҡыуға зирәк. “Беренсе класҡа башҡортса белмәй барған Ленаны уҡытыусыһы әкренләп өйрәтеп алды. Рәхмәт инде уға”, — ти Фариза Хөсә­йен ҡыҙы. Башҡортса рәхәтләнеп һөйләшкән был матурҡайҙарға ҡарап, әле бөрөләнеп тә өлгөрмәгән яҙмыш­тарының шул тиклем ҡатмарлы икән­леген төшөнмәҫһең дә, сөнки Суриндар уларҙы үҙҙәре­неке­ләй күреп ярата һәм баға. “Ҡыҙҙа­рым” тип кенә тора атайҙары ла.
Әсәләренә бигерәк тә ярҙамсы инде улар! Бергәләшеп телеңде йоторлоҡ тәмлекәстәр бешерһен­дәрме, бәйләү йә сигеүгә тотонһон­дармы — барыһын да күҙҙең яуын алырлыҡ итеп эшләп ҡуялар. Лена бейеүгә ғашиҡ, Оло Әбеш урта мәктәбендәге бейеү түңәрәгендә шөғөлләнә. Әлиә мал ярата, уларҙы сәғәттәр буйы ҡарарға ла риза. Йәйге миҙгелдә ҡыҙҙар ял һәм һауыҡтырыу лагерҙарына бара, ағайҙары Себер яҡтарынан ялға ҡайтҡанда, бергәләшеп тәбиғәт ҡосағында ял итергә, балыҡ ҡармаҡларға, һыу инергә йөрөйҙәр.
— Ҡыҙҙарыма ҡарайым да күңел шатлана, — ти бәхетле әсә. –Уларҙың киләсәге матур булһын. Ғәмһеҙ бала саҡтарын ҡулдан килгәнсә шатлыҡлы һәм матур итергә тырыштыҡ. Ҡалғаны үҙ ҡулдарында, тәүфиҡлы булһындар.
Ысынлап та, нур һәм ҡот балҡыған был йорттан күңелебеҙ тулып, ҡыҙ­ҙарға һоҡланып сыҡтыҡ. Артабанғы тормоштары ла бөгөнгөләй нурлы, ҡотло һәм бәхетле булһын!

Хәйбулла районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 812

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 933

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840