Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте

“Башҡортостан тарихы биттәре” марафоны дауам итә.

Тамаша башланырға ярты сәғәттән ашыу ваҡыт булһа ла Башҡорт дәүләт филармонияһының ҙур залы халыҡ менән шығырым тулы ине. Учалыларҙың бай концерт программаһы менән килеүе баш ҡала халҡы өсөн күптән инде көтөлмәгән ваҡиға түгел. Был юлы ла уларҙың өмөтө аҡланды.

Республикабыҙ барлыҡҡа килеүенең 100 йыллығына арналған был сара Учалы районының йыйылма ҡурайсылар ансамбле башҡарыуындағы мәшһүр “Урал” йыры менән асылды һәм тамашасылар уны, ғәҙәттәгесә, аяғөҫтө баҫып тыңланы.

Артабанғы ҙур композиция — “Ырыуҙар берләшеүе” тип аталған фольклор, йыр һәм хореографик сығыш — Учалы фи­лармонияһының “Уралтау” бейеү ансамбле, “Хазина” халыҡ фольклор ансамбле, райондың халыҡ театрҙарының һәүәҫкәр артистары башҡарыуында үҙенең сағыу­лығы, киң ҡоласлы һәм тарихи әһәмиәтле булыуы менән ошо сарала ултырған ха­лыҡ­тың хәтерендә оҙаҡ һаҡланасаҡ әле.

Концерт-презентация, был фестиваль-марафон ҡағиҙәләренә ярашлы, тарихи осорҙарға арналғайны: “Тарих ауазы”, “Онотолмаҫ һуғыш йылдары...”, “Учалы – батырҙар, маһирҙар төйәге!” Уларҙың һәр ҡайһыһында шул дәүергә хас тормош сәхнәләштерелгән. Тәүгеһендә “Рәсүлиә” мәҙрәсәһенән күренеш, “Алтын йыуыусылар” һәм “Тракторсылар” бейеүҙәре, “Колхоз тормошонан күренеш” композицияһы берсә уйланырға, берсә күңелдәрҙе елкендерергә мәжбүр итһә, икенсеһендә “Һуғышҡа оҙатыу” театрлаштырылған күренеше, Байрамғол егеттәренең “Батыр­ҙар йыры” һәм “Ләйсән” халыҡ ансамбле ветерандарының “Фронтташтар” бейеүе йөрәкте тетрәтте. Ә өсөнсө бүлек бөгөнгө көнгә бағышланғайны һәм сәхнәне Учалы тау-байыҡтырыу комбинатының “Кристалл” өлгөлө бал һәм заман бейеүҙәре ансамбле, Салауат Низаметдинов исемендәге Учалы сәнғәт һәм мәҙәниәт колледжының һәм 1-се балалар музыка мәктәбенең гитаристар ансамбле, “Ирәмәл” уҡсылар клубы вәкилдәре, “Ҡойон” ансамбле һәм башҡалар биләп алды.

– Учалының киң билдәле артистары араһындағы иң йәше! Ул хатта Рәсәй Президенты ҡаршыһында ла сығыш яһаны! Кем тип уйлайһығыҙ? – алып барыусының шулай тип һорауы булды, залдан әллә нисә урындан бер юлы: “Ләйсән!” тип һөрәнләй ҙә һалдылар. Һәм бына Ләйсән Золотарева башҡарыуында “Маһисәрүәр” башҡорт халыҡ йыры яңғырай.

Шундай күркәм сараны ойошторған өсөн рәхмәт әйтергә һәм төбәктең арҙаҡлы шәхестәрен иҫкә алып үтергә тип тамаша аҙағында сәхнәгә Рәсәй Федерация Советы ағзаһы Лилиә Ғүмәрова, район хакимиәте башлығы Фәрит Дәүләтгәрәев, райондың элекке етәксеһе Салауат Йыһаншин сыҡты.

– Залдағы һәр кем һоҡланып, тулҡынланып һәм учалылар өсөн ғорурланып ултырғандыр тип уйлайым, ҡайһы бер сығыштарҙы күҙгә йәш алмайынса ҡарау мөмкин түгел ине, – тине Лилиә Салауат ҡыҙы. – Башҡортостандың күп милләтле тарихына был район, ысынлап та, тос өлөш индергән һәм беҙ быға оҫта башҡарылған сәхнә күренештәре аша тағы бер тапҡыр инандыҡ. Районыбыҙ үҫешенә ҙур өлөш индергән билдәле шәхестәребеҙ ҙә байтаҡ. Әле залда ултырғандарҙың – Салауат Ғайсин, Вил Ҡаҙаҡҡолов, Луиза һәм Резеда Фархшатовалар, Рәшиҙә Солтанова һәм башҡа күптәрҙең, шулай уҡ бөгөнгә яҡты донъянан китеп барған яҡташтарыбыҙҙың тырышлығы менән районда юлдар, күперҙәр, оптик-сүс элемтә, байтаҡ һандағы ҙур гуманитар проекттар тормошҡа ашырылды һәм ошондай ярҙам әле лә дауам итә. Мин уларҙы аяғөҫтө баҫып хөрмәтләргә һәм иҫкә алырға тәҡдим итәм.

“Башҡортостан тарихы биттәре” халыҡ ижады фестиваль-марафоны Мишкә районына күсте. Бәйгенең штандартын ошо район хакимиәте башлығы Рөстәм Мусин­дың ҡулына тапшырҙылар. “Был тамашаға килмәһәм, учалыларҙың республика кимәленән дә юғарыраҡ сара ойоштора алыуын белмәҫ тә инем. Сираттағы сығыш – беҙҙеке, килергә онотмағыҙ!” – тине ул.

Фестиваль башланырға ике сәғәттән алдараҡ филармония фойеһында уча­лыларҙың күргәҙмәһе лә эшләй башланы. Унда райондағы оҫталарҙың ҡул эше өлгө­ләре, данлыҡлы ырыуҙарҙың шәжәрәләре, ошо төбәктәге шифаханаларҙың ял итергә саҡырған матур биҙәлешле иғландары ҡуйылғайны.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Тыныслыҡ, бер-береңә ихтирам тантанаһы

Тыныслыҡ, бер-береңә ихтирам тантанаһы 31.03.2019 // Мәҙәниәт һәм cәнғәт

Башҡорт, татар, тажик, үзбәк, ҡырғыҙ, ҡаҙаҡ, төркмән, азербайжан... Республикабыҙҙа йәшәгән төрлө...

Тотош уҡырға 939

50 мең һум кемдә?

50 мең һум кемдә? 31.03.2019 // Мәҙәниәт һәм cәнғәт

“Урал аръяғы тауышы” йыр-моң конкурсының еңеүсеһе билдәле булды. Ул – 15 йәшлек Сибай ҡыҙы...

Тотош уҡырға 1 160

Ейәнсуралар йәшлеккә алып ҡайтты...

Ейәнсуралар йәшлеккә алып ҡайтты... 30.03.2019 // Мәҙәниәт һәм cәнғәт

Республикабыҙҙа театрҙар фестиваль-марафоны дауам итә. Ошо көндәрҙә штандарт йылайырҙарҙан...

Тотош уҡырға 1 011

Йондоҙ ниңә юғалған?

Йондоҙ ниңә юғалған? 30.03.2019 // Мәҙәниәт һәм cәнғәт

Ҡазандағы Дан аллеяһынан Хәниә Фәрхиҙең хәтер йондоҙо юғалған....

Тотош уҡырға 415

"Тамаша-2019": кемдәр еңеүсе?

"Тамаша-2019": кемдәр еңеүсе? 29.03.2019 // Мәҙәниәт һәм cәнғәт

Бөрйән районында Башҡортостандың 100 йыллығына, Театр йылына арналған “Тамаша-2019” фестивале үтте....

Тотош уҡырға 218

25 йылдың иң яҡшыһы...

25 йылдың иң яҡшыһы... 29.03.2019 // Мәҙәниәт һәм cәнғәт

Ике йыллыҡ тынлыҡтан һуң Байегет йәнә концерт ҡуймаҡсы....

Тотош уҡырға 441

Сәхнә яратһаң, бында кил!

Сәхнә яратһаң, бында кил! 29.03.2019 // Мәҙәниәт һәм cәнғәт

Мәҙәниәт хеҙмәткәрҙәре ошонда сыныға....

Тотош уҡырға 246

Сыйырсыҡтар ҡайтып ҡуныр...

Сыйырсыҡтар ҡайтып ҡуныр... 27.03.2019 // Мәҙәниәт һәм cәнғәт

Уҡыусыларҙың яҙғы каникулы булыуға ҡарамаҫтан, Сибай һынлы сәнғәт мәктәбендә оҫталыҡ дәрестәре...

Тотош уҡырға 188

Баймаҡтың “Ҡояшлы сәхнә донъяһы”

Баймаҡтың “Ҡояшлы сәхнә донъяһы” 27.03.2019 // Мәҙәниәт һәм cәнғәт

Халыҡ-ара театр көнө уңайынан Баймаҡ үҙәк китапханаһында “Ҡояшлы сәхнә донъяһы” исемле фотокүргәҙмә...

Тотош уҡырға 219

Зәйнетдиндең үҙ лейблы буласаҡ

Зәйнетдиндең үҙ лейблы буласаҡ 27.03.2019 // Мәҙәниәт һәм cәнғәт

Йыр-моңға ла, бейеүгә лә берҙәй маһир, ундан ашыу музыка ҡоралында оҫта уйнаған, башҡорт...

Тотош уҡырға 232

Ҡурсаҡ театры яңыра

Ҡурсаҡ театры яңыра 27.03.2019 // Мәҙәниәт һәм cәнғәт

Башҡорт дәүләт ҡурсаҡ театры, ниһайәт, капиталь ремонтланасаҡ һәм уға яңы төкәтмә төҙөйәсәктәр....

Тотош уҡырға 178

Сәнғәтте яратҡандар

Сәнғәтте яратҡандар 27.03.2019 // Мәҙәниәт һәм cәнғәт

Профессиональ сәнғәткә хеҙмәт итеүселәрҙе берләштергән байрам булараҡ һәр ижади коллектив өсөн...

Тотош уҡырға 330