Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Илһам сығанағы бөрккән йорт
Илһам сығанағы бөрккән йортБашҡортостандың Мәғарифты үҫтереү институты башҡорт теле һәм әҙәбиәте уҡытыусылары менән тығыҙ бәйләнештә эшләй. Әҙәбиәт йылында хеҙмәттәшлек тағы ла көсәйҙе.
Институтта, мәҫәлән, Мостай Кәрим ижады буйынса иң яҡшы дәрес һәм кластан тыш сара өлгөләренә республика конкурсы ифрат йәнле үтте. Унда 150-нән ашыу мәғариф учрежде­ниеһынан иң яҡшы педагогтар көс һынашты. Һөҙөмтәлә Сибай ҡалаһынан Рүзидә Үтәшева һәм Октябрьскийҙан Рәзидә Фәтҡуллина I урынды яуланы. Шулай уҡ уҡытыусыларҙан бер төркөм республиканың Мәғариф ми­нистрлығы, Мәғарифты үҫтереү институтының грамоталары менән бүләкләнде.

– Дәрес өлгөләре буйынса бындай ярыш әле Рәсәйҙең бер төбәгендә лә үткәрелгәне юҡ, – ти институттың кафедра мөдире, профессор Зәкиә Ғәбитова. – Сараны бик кәрәкле тип һанайбыҙ, сөнки дәрес өлгөһөн әҙерләү – ҙур ижади эш, унда педагогтың йылдар буйы тупланған алдынғы тәжрибәһе сағыла.
Ысынлап та, башланғыс хуплауға лайыҡ. Ни өсөн тигәндә, яңы Федераль дәүләт стандарттарын ғәмәлгә ашырғанда туған телде һәм әҙәбиәтте уҡытыуҙа заманса алымдар индерелә, электрон белем биреү киң йәйелдерелә. Тимәк, алдынғы педагогик тәжрибә майҙансыҡтары бик кәрәк. Бынан тыш, башҡорт телен уҡытыу өлкәһендә уҡытыусылар менән методистар араһында әленән-әле бәхәс сығып тора. Башҡортостандың Мәғарифты үҫтереү институтында әҙерләнгән “Күкрәгемдән ҡоштар осорам” тигән йыйынтыҡты уҡыһаң, аңлашылмаусанлыҡ юҡҡа сығасаҡ. Унда, әйтәйек, Рүзидә Үтәшева Мостай Кәримдең “Айгөл иле” драмаһы буйынса йомғаҡлау дәресен яңы стандарттар талабы нигеҙендә уңышлы планлаштырған. Иң мөһиме – педагогтың да, уҡыусының да эшмәкәрлеге аныҡ билдәләнгән. Бындай дәрестә бер кем дә буш ултырмаясаҡ.
Семинарҙа ҡатнашыусылар Мостай Кәримдең ижадына бәйле фекерҙәре, хәтирәләре менән уртаҡлашты. Сарала Рауил Бикбаев, Ҡәҙим Аралбай, Хәсән Назар, Ирек Кинйәбулатов кеүек олуғ ҡәләм оҫталарының, Мостай Кәримдең ҡыҙы Әлфиә ханымдың сығыш яһауы уҡытыусыларҙың күңеленә онотолмаҫ хәтирә булып уйылды.
Институтта шулай уҡ филология фәндәре докторы, профессор Салауат Галиндың хәтер кисәһе уҙҙы. Танылған фольклорсы, күп яҡлы талант эйәһе ошо мәғариф учреждениеһында 14 йыл кафедра мөдире булды, бихисап ғилми хеҙмәт яҙҙы, башҡорт теле һәм әҙәбиәте уҡытыусыларының белемен камиллаштырыу өлкәһендә арымай-талмай эшләне.
– Салауат Әхмәҙиә улы ысын мәғәнәһендә ҙур ғалим, көслө шәхес, үҙ иленең патриоты булды. Шул уҡ ваҡытта ифрат ябай, ихлас кеше ине, – тине сығышында ректор Рәмил Мәжитов. – Халҡыбыҙҙың аҫыл улының исемен мәңгеләштереү маҡсатында Салауат Галин исемендәге премияһы булдырҙыҡ. Был бүләккә ауыҙ-тел ижадын өйрәнеү йәһәтенән уңыш ҡаҙанған педагогтар лайыҡ буласаҡ.
Кисәлә тәүге диплом тапшырылды. Уға Сибай ҡалаһындағы башҡорт гимназияһынан Әлнисә Кәримова лайыҡ булды. Башҡорт­остандың атҡаҙанған уҡытыусыһы, Рәсәйҙең мәғариф алдынғыһы Әлнисә Рәхимйән ҡыҙы фольклорыбыҙҙың аҫыл өлгөләрен дәрестәрендә әүҙем файҙалана, йәш быуынды илһөйәр, рухлы итеп тәрбиәләү маҡсатында тынғы белмәй хеҙмәт итә. Ижадсы ла ул: “Салауат батыр – ил күрке”, “Өләсәйем һандығы”, “Маһирлыҡтың юҡтыр сиктәре” тигән китаптар авторы.
– Мәғарифты үҫтереү институтына, уның ректоры Рәмил Ғиниәт улына рәхмәтем сикһеҙ, – тине Әлнисә Рәхимйән ҡыҙы. – Премияға лайыҡ тип табып, фольклор өлкәһендәге эшемде юғары баһаланығыҙ, ауыҙ-тел ижадын өйрәнеүҙең әһәмиәтен күрһәттегеҙ.
Һис һүҙһеҙ, йыл һайын тапшырыласаҡ бүләк фольклорҙы өйрәнеү эшен йәнләндерәсәк. Дәртләндереү сараһы уҡытыусыларыбыҙҙа ҙур ҡыҙыҡһыныу уятты. Премия тапшырыу тантанаһында Салауат Галиндың хеҙмәттәштәре, иптәштәре ҡатнашып, ғалим хаҡындағы йылы хәтирәләре менән уртаҡлашты. Унан “Башҡортостан” телевидениеһының шәхестең тормошо һәм ижадына арнап төшөрөлгән фильмы күрһәтелде. Фәнзил Санъяров, Руслан Сөләймәнов, Рәзилә Ырыҫҡолова, Резеда Шакирова, Әлнисә Кәримова һәм Зилә Мостафина үҙҙәре ижад иткән шиғырҙарҙы уҡыны.

Зилә МОСТАФИНА, Бүздәктең 1-се мәктәбе уҡытыусыһы:
– Институт ректоратына, кафедра хеҙмәткәрҙәренә ҙур рәхмәт! Саранан көндәлек эшебеҙ өсөн файҙалы кәңәштәр, илһам сығанағы алдыҡ. Тел һәм әҙәбиәт уҡытыусыһының эшмәкәрлегенә иғтибар ҙур булырға тейеш, сөнки был хеҙмәт милләтебеҙҙең киләсәге менән тығыҙ бәйле.


Автор: С. БҮЛӘКОВ.
Район: Өфө ҡалаһы.


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Шәжәрәле ерҙә тәртип түрҙә

Шәжәрәле ерҙә тәртип түрҙә 30.03.2019 // Белем һәм тәрбиә

2018 йылдың 1 сентябрендә “Башҡортостан тарихы шәхестәр күҙлеге аша: генеалогик аспект” тигән...

Тотош уҡырға 988

Шунда уҡ икенсе курсҡа ҡабул ителһәләр...

Шунда уҡ икенсе курсҡа ҡабул ителһәләр... 27.03.2019 // Белем һәм тәрбиә

Республика етәксеһе Радий Хәбиров медицина училищеһын тамамлағандарҙы шунда уҡ ошо йүнәлештәге...

Тотош уҡырға 234

Монголиянан ҡунаҡ килде

Монголиянан ҡунаҡ килде 27.03.2019 // Белем һәм тәрбиә

БДУ-ның Сибай институты студенттары Монголияның Фән һәм технология дәүләт университеты профессоры...

Тотош уҡырға 659

Биш көнлөк уҡыу башлана

Биш көнлөк уҡыу башлана 27.03.2019 // Белем һәм тәрбиә

1 апрелдән Өфөнөң башланғыс класс уҡыусылары биш көнлөк уҡыуға күсә....

Тотош уҡырға 252

Данлы юлға тап төшөрмәй

Данлы юлға тап төшөрмәй 27.03.2019 // Белем һәм тәрбиә

Сибай гимназия-интернаты — төбәктә генә түгел, республикала ла киң билдәле уҡыу йорттарының береһе....

Тотош уҡырға 451

Балағыҙҙы кем итеп күрәһегеҙ?

Балағыҙҙы кем итеп күрәһегеҙ? 26.03.2019 // Белем һәм тәрбиә

“Ромир” холдингы ата-әсәләр араһында ҡыҙыҡлы һорау алыу ойошторған. Рәсәйҙәр балалары өсөн ниндәй...

Тотош уҡырға 215

Йәй етте ләме ни?

Йәй етте ләме ни? 26.03.2019 // Белем һәм тәрбиә

Ҡырмыҫҡалы районы хакимиәте йыл да балаларҙың йәйге ялын файҙалы үткәреү, сәләмәтлектәрен нығытыу...

Тотош уҡырға 253

"Үлмәҫбай" ҙа яңғыраны

"Үлмәҫбай" ҙа яңғыраны 25.03.2019 // Белем һәм тәрбиә

“Башҡортостан халыҡтары телдәре һәм мәҙәниәте – республиканың милли ҡаҙанышы” форумында балалар ҙа...

Тотош уҡырға 274

Барыһы ла үҙебеҙгә бәйле

Барыһы ла үҙебеҙгә бәйле 25.03.2019 // Белем һәм тәрбиә

Туған телдең, мәҙәниәттең яҙмышы һәр заманда ла кешенең, халыҡтың үҙенә бәйле. Был рухи...

Тотош уҡырға 201

Милли ҡаҙаныштарыбыҙ һағында

Милли ҡаҙаныштарыбыҙ һағында 25.03.2019 // Белем һәм тәрбиә

Өфөлә Рәсәй Президенты ҡарамағындағы Гражданлыҡ йәмғиәтен үҫтереү һәм кеше хоҡуҡтары буйынса...

Тотош уҡырға 184

Етәкселәр уҡыусыларға рәхмәт белдерҙе

Етәкселәр уҡыусыларға рәхмәт белдерҙе 23.03.2019 // Белем һәм тәрбиә

Бөгөн Өфөлә химия буйынса Бөтә Рәсәй олимпиадаһының һуңғы, өсөнсө, этабы тамамланды. Дөйөм алғанда,...

Тотош уҡырға 187

"Әкиәт"тән – мажаралы әкиәттәр

"Әкиәт"тән – мажаралы әкиәттәр 23.03.2019 // Белем һәм тәрбиә

Сибайҙың “Әкиәт” балалар баҡсаһы хеҙмәткәрҙәре үҙ тәрбиәләнеүселәре, ата-әсәләр менән берлектә...

Тотош уҡырға 391