Онкология сирҙәре – яңы быуаттың иң ҡаты, мәкерле ауырыуҙарының береһе. Яман шештең йөҙәрләгән төрө йыл һайын донъяла һигеҙ миллион кешене һәләк итә, ти эксперттар. Бөтә донъя һаулыҡ һаҡлау ойошмаһының күҙаллауҙары ла шатлыҡ өҫтәмәй, алдағы егерме йылда сирҙең тағы ла күберәк таралыуына ишаралай.

Сәләмәтлекте һаҡлаған иң ябай ҡағиҙәләрҙе иҫкә тө­шөрәйек. Бына нимәләргә “юҡ” тип әйтергә кәрәк:
- таҙартылған (рафинированный) майға;
- аҙыҡ кубиктарына;
- газлы һыуға;
- микротулҡынлы ме­йес­кә;
- бала тапҡанға тиклем маммографияға;
- ҡыҫып торған эске кейемгә;
- алкоголле эсемлек­тәргә;
- иретелгән аҙыҡ-тү­леккә;
- һыуытҡыстағы пластик шешәләрҙәге һыуға;
- ауырға ҡалыуҙан һаҡ­ланыу дарыуҙарына;
- дезодоранттарға;
- шәкәргә (белгестәрҙең раҫлауынса, яман шеш күҙәнәктәре, нигеҙҙә, шәкәр менән туҡлана).

Ә бына ғүмерҙе оҙайтҡан түбәндәге аҙыҡ-түлеккә “эйе!” тип яуап ҡайтарыу дөрөҫ булыр:
- йәшелсәгә;
- балға;
- үҫемлек аҡһымына (ҡуҙаҡлыларға);
- иртән тороу менән ике стакан һыу эсеүгә;
- йылы аҙыҡ-түлеккә (ҡайнар түгел);
- яман шешкә ҡаршы һутҡа (алоэ-вера+им­бир+ петрушка+сельдерей+промалин (ананастың урта өлөшө);
- кишергә.

Тағы ла һеҙҙең иғти­барығыҙға бер нисә кәңәш.

Пластик стакандарҙан сәй эсмәгеҙ. Ҡағыҙ йәки полиэтилен пакеттағы ҡайнар аҙыҡты ашауҙан тыйы­лы­ғыҙ. Аҙыҡты микро­тулҡын­лы мейестә пластмасса һа­уытта йылытмағыҙ. Пластмасса йылынғанда химик бер­ләшмәләр бүленә, улар­ҙың илленән ашыу яман шеш сирҙәрен ҡуҙғытыуы мөмкин. Кока-коланы ананас ашағандан һуң эсергә ярамағанлығын да иҫтә тотоғоҙ. Ғөмүмән, кока-кола менән ананас һутын бергә ҡушыу үлемесле, тип иҫәпләй белгестәр.

Телефонығыҙҙың бата­реяһы “ултырғанын” күрһә­геҙ, шылтыратыуҙарҙы ҡа­бул итмәҫкә тырышығыҙ, сөн­ки был саҡта электромагнит нурланышы менән зарарланыу зарядланған аккумулятор менән һөйләш­кән­дәгегә ҡарағанда мең тапҡырға көслөрәк. Һыуҙы иртән – күберәк, кисен аҙы­раҡ эсегеҙ. Ашағандан йәки дарыу эскәндән һуң, диванға һуҙылып төшөп ятмағыҙ. Сәләмәт булығыҙ!