Ябыҡтыра ла, һауыҡтыра ла...

Рәсәй ғалимдарының был асышы ҡыҙыҡлы. Һимеҙлектән, артыҡ ауырлыҡтан яфаланған кешеләргә эсемлектең файҙаһы тейеүе мөмкин.

Иң мөһиме – уны һәр кем ҡуллана ала. Рәсәй ғалимдарының был асышы ҡыҙыҡлы. Һимеҙлектән, артыҡ ауырлыҡтан яфаланған кешеләргә был эсемлектең файҙаһы тейеүе мөмкин. Шулай уҡ һейҙек һәм үт ҡыуығында таш, инфаркт булғанда, рак ауырыуын профилактикалау маҡсатында ҡулланалар. Унан яһалған төнәтмә ҡан баҫымын түбәнәйтә, ҡандағы шәкәрҙе төшөрә, гемоглобинды күтәрә, бауыр өсөн дә бик файҙалы.
 
Бер аш ҡалағы ваҡланған топинамбурға бер стакан ҡайнар һыу һалып, бер аҙ ҡайнатырға һәм һөҙөргә кәрәк. Көнөнә өс тапҡыр стакандың өстән бер өлөшөн эсергә. Дауаланыуҙы ике аҙна дауам итергә мөмкин.
 
Топинамбур нигеҙендә яһалған алкоголһеҙ эсемлек үҙенсәлекле дауалау сифаттарына эйә: шәкәр диабетынан, бөйөр ауырыуынан бик файҙалы, матдәләр алмашыныуын яҡшырта. Унда В төркөмө витаминдары, аминокислоталар, калий, фосфор, магний, тимер, кальций бар.
 
ИҒТИБАР! Эсемлекте ҡулланыу алдынан белгес менән мотлаҡ кәңәшләшегеҙ.


 
Сығанаҡ: "Ауыл ҡатыны".