Сейәне ҡайҙа ҡуйырға белмәйһегеҙме?

Соус яһағыҙ - тәмле, әскелтем генә килеп сыға.

Ингредиенттар:

Тосо алынған сейә - 2кг

Шәкәр ҡомо - 250-350 г

Тоҙ - 2 балғалаҡ

Паприка 1 балғалаҡ

Кари - 1 балғалаҡ

Ҡара борос - 1 балғалаҡ

Һарымһаҡ 1 аш ҡалағы

Кориандр - 1 балғалаҡ

Имбирь - 1 балғалаҡ

Мускат сәтләүеге - ярты балғалаҡ

Крахмал 1 балғалаҡ + 50мл һыу

Сейәне йыуып, тостарын алып, блендер аша иҙәбеҙ. Тәмләткестәр өҫтәйбеҙ, утҡа ҡуйып, 20 минут тирәһе ҡайнатабыҙ. Крахмал һалып, тағы биш минут ҡайнатырға кәрәк. Тәмле соус әҙер - банкаларға һалып, ябабыҙ. Аштарығыҙ тәмле булһын!