Аҡ ҡыяр үҫтерер инегеҙме?

Баҡсасылар яңы модаға эйәрә. Айырыуса һары һәм аҡ ҡыярҙар киң танылыу яулай.

Һуңғы ваҡытта баҡсасылар ҡыярҙарҙың ят сорттарын үҫтерә башланы. Айырыуса һары һәм аҡ ҡыярҙар киң танылыу яулай.

“Аҡ фәрештә” (“Белый Ангел”) – экзотик сорт. “Фәрештә”нең һөттәй аҡ ҡабығы эсендә тәмле һәм йомшаҡ өлөшө бар. Бындай ҡыярҙар салатҡа турарға ла, төрлө ҡабымлыҡтар эшләргә лә бара.

Ҡыярҙың икенсе ғәҙәти булмаған сорты – "Аҡ ҡытай" (“Китайский белый”) тип атала. Был - күпселек ауырыуҙарға сыҙамлы оҙон аҡ ҡыяр. Уны шул килеш ашайҙар, салатҡа ла турайҙар.

Өсөнсө ғәҙәти булмаған сорт “Лимон” тип атала, һәм ул тышҡы яҡтан тап шул цитрус емешенә бик оҡшаған. “Лимон” сортлы ҡыяр, ысынлап та, тышҡы ҡиәфәте һәм төҫө менән лимонға оҡшаған, ти белгестәр. Тәме ябай ҡыярҙыҡы төҫлө.

Ә һеҙ бындай экзотик ҡыяр сортын үҫтерер инегеҙме?

Фото һәм сығанаҡ: “Ауыл ҡатыны” төркөмөнән