Киләһе айҙа баҡсаны ҡышҡылыҡҡа әҙерләү, үҫтергән йәшелсә, еләк-емеште һаҡлау, уларҙы эшкәртеү, төрлө салат, ҡабымлыҡтар, ризыҡтар әҙерләү ысулдары хаҡында һөйләрбеҙ. Шулай уҡ оҫта, тәжрибәле баҡсасылар менән дә таныштырырбыҙ.

Әгәр үҙегеҙҙең дә бүтәндәргә асырлыҡ ҡыҙыҡлы тәжрибәләрегеҙ, баҡса миҙгелендә булған мауыҡтырғыс мажараларығыҙ, иҫ киткес шәп, тәмле рецепт өлгөләре булһа, башҡаларҙа үҫмәгән һирәк үҫемлектәрегеҙ менән маҡтанырға теләһәгеҙ, яҙып ебәрегеҙ. Баҡсасылар ғүмер буйы үҫентеләре, кәңәш-төңәше менән дә уртаҡлашып йәшәгән. Шул саҡта баҡса ла гөрләп үҫкән, уңыш та мул булған.