Башҡортостандан фельдшер дәүләт наградаһы менән бүләкләнде
Башҡортостандың Тәтешле районынан фельдшер Фәнирә Ғәҙелйәрова «Хеҙмәт батырлығы өсөн» миҙалына лайыҡ булды. Уға награданы Башҡортостан хөкүмәтенең беренсе вице-премьеры Урал Килсенбаев тапшырҙы.
Фәнирә Ғәҙелйәрова дәүләт наградаһына күп йыллыҡ намыҫлы хеҙмәте һәм юғары хеҙмәт ҡаҙаныштары өсөн лайыҡ булған. Ул 45 йыл ғүмерен кешеләргә хеҙмәт итеүгә арнаған. Оҙаҡ йылдар Яңғыҙнарат ауылында фельдшер булып эшләй.