2026 йылда Рәсәй Социаль фондының Башҡортостан буйынса бүлексәһе махсус операцияла ҡатнашыусыларға, шулай уҡ уларҙың ғаилә ағзаларына социаль ярҙам күрһәтеүен дауам итә.
Ниндәй ярҙам саралары ҡаралған?
- Аҡсалата түләүҙәр: айлыҡ пособиелар, пенсиялар.
- Медицина ярҙамы һәм дауалау: шифахана-курортта дауаланыу, медицина реабилитацияһы, бушлай дарыуҙар, дауалау һәм ял итеү урындарына барыу.
- Техник реабилитация саралары (ТСР).
- Балаларға пособиелар.
Түбәндәге аспекттарға етди иғтибар бирелә:
- Страховка стажын арттырыу: бер йыл МХО-ла ҡатнашыу өсөн ветеран ике йыл стаж һәм икеләтә күләмдә коэффициенттары ала (1,8 урынына 3,6).
- МХО-ла яраланған һәм инвалид булып ҡалған яугирҙәр икенсе пенсия алырға мөмкин.
- МХО ветерандары электрон сертификат ярҙамында кресло-коляскалар, протездар һәм ишетеү аппараттары кеүек әйберҙәр һатып алғанда «Ватанды һаҡлаусылар» фонды аҡсаһынан өҫтәмә түләүгә иҫәп тота ала.
Ғаиләләргә ярҙам:
- Хәрби хеҙмәткә саҡырыу йәки мобилизация буйынса саҡырылған хәрби хеҙмәткәрҙәрҙең йөклө ҡатындарына бер тапҡыр 51 812,40 һум аҡса бирелә.
- Хәрби хеҙмәткәрҙең балаһына өс йәшкә тиклем ай һайын 22 205,30 һум пособие түләнә.
Өҫтәмә мәғлүмәт алыу өсөн берҙәм контакт үҙәге номеры буйынса мөрәжәғәт итергә мөмкин: 8-800-100-00-01.