МХО-ла һәләк булған яугирҙәрҙең ғаиләләренә торлаҡ менән ярҙам итәләр
Бында торлаҡ шарттарын яҡшыртыуға мохтаж, ҡабаттан никахҡа инмәгән һәм бер йәки бер нисә бала тәрбиәләгән ир менән ҡатын тураһында һүҙ бара.
МХО-ла һәләк булғандарҙың тормош иптәштәре торлаҡ һатып алыуға йәки төҙөүгә социаль түләүҙәрҙе тәү сиратта алырға хоҡуҡлы. Хөкүмәттә ошо турала ҡарарға ҡул ҡуйылған.
Социаль түләүҙәр торлаҡ хаҡының 35% кәм булмай, тиелә документта.
Хәбәр ителеүенсә, аҡсаны яңы төҙөлгән йортта фатир һатып алыуға; үҙ торлағыңды төҙөүгә; ипотеканың тәүге иғәнәһенә йәки уны ҡаплауға тотонорға мөмкин.
Башҡортостанда МХО-ла ҡатнашыусыларға һәм уларҙың ғаиләләренә ярҙам саралары һаны артты.