Популяр йырсы Әнүәр Нурғәлиев яҡташыбыҙҙы МХО биләмәһенә оҙатҡан03.04.2025
Фото: Валерий Шахов

Популяр йырсы Әнүәр Нурғәлиев яҡташыбыҙҙы МХО биләмәһенә оҙатҡан

Башҡортостандың халыҡ артисы, Башҡортостандың һәм Татарстандың атҡаҙанған артисы Әнүәр Нурғәлиев яҡташыбыҙҙы махсус хәрби операция биләмәһенә оҙатҡан. Был хаҡта популяр йырсы социаль селтәрҙәге сәхифәһендә хәбәр итте.


Уның һүҙҙәренсә, кисә иртәнге сәғәт һигеҙенсе яртыла ул телефон шылтырауына уянып киткән.


«Азамат шылтырата: «Абый, фронтҡа китәм, оҙатырға киләһеңме?» — тип һорай. Йоҡо аралаш бер ни ҙә аңламай, тиҙ генә кейендем дә 12 минуттан «Өфө-Арена»ла баҫып тора инем. Азамат — ябай ауыл егете, минең ижадымды ярата. Минең килеүемә бик шатланды, үҙе лә ышанмай. Кешегә бәхет өсөн күп кәрәкмәй. Еңеү менән ҡайтығыҙ, батырҙар. Рәсәй һеҙгә таяна!» — тип яҙа Әнүәр Нурғәлиев.


Хәтерегеҙгә төшөрәбеҙ, кисә Өфөлә ҡыҫҡа ваҡытлы ялға ҡайтҡан «Башҡортостан» мотоуҡсылар полкы хәрбиҙәрен МХО биләмәһенә оҙатттылар.


https://www.bashinform.ru/news/svo/2025-04-03/populyarnyy-pevets-anvar-nurgaliev-provodil-v-zonu-svo-svoego-poklonnika-4182952

Фото: видеонан скриншот


Вернуться назад