Ейәнсуранан МХО яугире әсәй булған

Ейәнсура районынан «Юна» позывнойлы яугир-ҡатын әсәй булған. Был турала «Ейәнсура таңдары» гәзите хәбәр итә.

Резеда – медик. Ул махсус хәрби операция биләмәһендәге госпиталдә хирург ярҙамсыһы булып эшләй. Уның хәстәрле ҡулдары күп яугирҙәргә аяҡҡа баҫырға ярҙам иткән. Уларҙың барыһы ла «Юна»ға бик рәхмәтле.

Илья менән Резеданың улы быйыл 6 ғинуарҙа Иҫәнғол ауылында тыуған. Сабыйға Арсений тип ҡушҡандар, тип яҙа район гәзите. Был исем рух көсө һәм кешелеклелек тигәнде аңлата. Ата-әсә улдарында ошондай сифаттарҙы күрергә теләй.

Арсенийҙың Искәндәр ағаһы һәм Ильнария апаһы бар. Балалар ҡустылары тыуыуына, әлбиттә, әсәйҙәренең өйҙә булыуына бик шат. Әле «Юна» декрет ялында, үҙенең буш ваҡытын балаларына бағышлай.

https://www.bashinform.ru/news/svo/2025-01-13/uchastnitsa-svo-iz-bashkirii-rodila-syna-4082261