«Салауат Юлаев» күсмә серияны Көнсығыш лидерына ҡаршы матч менән тамамлай

Бөгөн Өфөнөң «Салауат Юлаев» командаһы Магнитогорскиҙа өс матчлы күсмә серияның һуңғы уйынын үткәрә. Виктор Козлов тәрбиәләнеүселәренең дәғүәсеһе – Көнсығыш конференцияһы лидеры «Металлург».

Бынан алдараҡ Өфөләр алыҫ Көнсығышта ике матч үткәрҙе. Серияның беренсе уйынында «Салауат Юлаев» «Амур»ҙы еңде. 17 октябрҙә Хабаровскиҙа матч 4:3 иҫәбе менән тамамланды. Икенсе уйында «Салауат Юлаев» Владивостокта «Адмирал»дан 0:2 иҫәбе менән еңелде.

Хәҙер «Салауат Юлаев» 19 мәрәй менән Көнсығыш конференцияһында бишенсе баҫҡысты биләй.