Александр Георгиев тарихта беренсе булып дүрт шашка системаһы буйынса донъя чемпионы исемен яуланы.

Башҡортостандан Александр Георгиев шашка-64 буйынса донъя чемпионы булды. Башҡортостан вице-премьеры – спорт министры Руслан Хәбибов Өфө гроссмейстерын еңеүе менән ҡотланы.

Ярыштар Мәскәү өлкәһендә үтте. Донъяның 28 иленән, шул иҫәптән Рәсәйҙән, Германиянан, Ҡытайҙан һәм АҠШ-тан 80-дән ашыу спортсы ҡатнашты. Александр Георгиев тәүге тапҡыр рус шашкаһының классик программаһында алтын миҙал яуланы һәм дүрт шашка системаһы (халыҡ-ара, бразил, рус һәм фриз) буйынса тарихта беренсе донъя чемпионы булды.

Финалда ул Белоруссиянан халыҡ-ара гроссмейстер Андрей Валюкты еңде. Бынан тыш, 51 йәшлек Александр Сергеевич рус шашкаһы буйынса донъя чемпионатының классик программаһында иң өлкән еңеүсе булды.