Константин Толкачев етди сәйәсмән, ихлас күңелле кеше булып иҫтә ҡалды

4 майҙа Башҡортостан Башҡортостан Дәүләт Йыйылышы — Ҡоролтай рәйесе Константин Толкачев вафат булды. Күренекле дәүләт эшмәкәре менән бергә тотош дәүер китте. Уның исеме Башҡортостан тарихында мәңге һаҡланасаҡ.

Константин Толкачев сирек быуаттан ашыу республика парламентын етәкләгән осорҙа «Башинформ» агентлығы фотохәбәрселәре камераһы объективына йыш эләгә. Был фотоһүрәттәрҙә ул етди сәйәсмән, төплө белемле һәм тәжрибәле юрист, ихлас күңелле һәм нескә юморға эйә кеше күҙ алдына баҫа.

Константин Толкачевты «Башинформ» мәғлүмәт агентлығы әҙерләгән фотоһүрәттәр серияһын ҡарап иҫкә алырға мөмкин.