Башҡортостан көрәшселәре Рәсәй чемпионатында еңеүгә өлгәште

Стәрлебаш районы көрәшселәре көрәш буйынса Рәсәйҙең 55-се чемпионатында миҙалдар яуланы. Башҡортостан спортсыларының еңеүе тураһында Стәрлебаш районы башлығы Рөстәм Рахманғолов хәбәр итте.

Илдең иң көслө көрәшселәренең юбилей турниры «Рәсәй спорты» дәүләт программаһы сиктәрендә үтте. Илдар Моратов абсолют категорияла алтын миҙал яуланы һәм донъя чемпионатында сығыш яһау хоҡуғын алды, ә Рифат Яруллин 90 килограмға тиклемге ауырлыҡ категорияһында өсөнсө урынға һәм Донъя кубогында сығыш яһау хоҡуғына лайыҡ булды.

Был көндө Өфө көрәшсеһе Адлан Амриев студенттар араһында грек-рим көрәше буйынса Рәсәй чемпионы булды. Турнир Мәскәүҙә үтте.

Хәбәр иткәнебеҙсә, Башҡортостан спортсылары көрәш буйынса Донъя кубогында алты миҙал яуланы.