Башҡортостан биатлонсылары – Рәсәй кубогы призерҙары
Башҡортостандың ике спортсыһы биатлон буйынса Рәсәй кубогының финал этабында призлы урын яуланы. Был хаҡта республика хөкүмәтендә уҙған оператив кәңәшмәлә хөкүмәт вице-премьеры – спорт министры Руслан Хәбибов белдерҙе.
Биатлон буйынса Рәсәй кубогы Златоуст ҡалаһында уҙҙы. Эдуард Латипов ир-егеттәр араһында масс-стартта көмөш призер булды, ә Антон Бабиков финишҡа өсөнсө булып килде.
«Беҙҙең егеттәр үҙҙәренең Рәсәйҙең иң яҡшы биатлонсылары икәнлеген раҫланы. Эдуардҡа финишта Кәрим Хәлилиҙе уҙып китергә аҙ ғына ваҡыт етмәне», – тине спорт министры.