Яҡташыбыҙ гер спорты буйынса Рәсәй беренселегендә алтын миҙал яуланы
Баҡалы районынан ауыр атлет Азалия Латипова Пермдә уҙған гер спорты буйынса Рәсәй беренселегендә уңышлы сығыш яһаны.
Муниципалитет башлығы Олег Ефимов хәбәр итеүенсә, 2-се мәктәп тәрбиәләнеүсеһе 63 килограмға тиклемге ауырлыҡ категорияһында дәғүәселәренә бер ниндәй ҙә мөмкинлек ҡалдырманы. Азалия 24 килограмлыҡ герҙе 111 тапҡыр күтәрҙе.
Спортсы Бөтә Рәсәй беренселегендә алтын миҙал яулап ҡына ҡалманы, ә Рәсәй йыйылмаһына юллама ла алды. Илдең төп командаһы составында ул Бишкәктә донъя беренселегендә ҡатнашасаҡ.