Өфө клубының элекке хоккейсыһына ни бары 32 йәш ине.

«Салауат Юлаев»тың элекке уйынсыһы Артем Федоров арабыҙҙан китте. Уға ни бары 32 йәш ине, тип хәбәр иттеләр Өфө клубының матбуғат хеҙмәтенән.

Һөжүмсе 2017 йылдан 2018 йылға тиклем Өфө командаһы өсөн сығыш яһаны. «Салауат Юлаев» клубына күскәс, Федоров «Башинформ» агентлығына биргән интервьюһында команданы алдынғы урындарға сығарырға тырышасағы хаҡында белдерҙе.

«Минеңсә, көйәрмәндәрҙе аптыратыуы ауыр, улар күпте күргән. Беҙгә үҙ эшебеҙҙе яҡшы башҡарырға һәм рәхәтләнеп уйнарға ғына кәрәк. Ә беҙгә килгән көйәрмәндәрҙең рәхәтләнеп уйынды тамаша ҡылыуын һәм ыңғай хис-тойғолар ​​кисереүен теләр инем», - тигәйне Федоров.

«Башинформ» агентлығы мәрхүмдең яҡындарының һәм яҡындарының ҡайғыһын уртаҡлаша.