Яҡташыбыҙ карате буйынса Европа беренселегендә көмөш миҙал яуланы
Кипрҙа карате буйынса Европа беренселеге үтте. Турнирҙа 47 илдән 1200-ҙән ашыу спортсы ҡатнашты, тип хәбәр иттеләр республиканың Спорт министрлығынан.
Яҡташыбыҙ Эмиль Әлмөхәмәтов көмөш призер булды. Финалда 63 килограмға тиклемге ауырлыҡ категорияһында ул Италия спортсыһынан 3: 4 иҫәбе менән еңелде.
Хәбәр иткәнебеҙсә, Өфө уҙышсыһы боҙҙа мотоуҙыш буйынса Рәсәй чемпионаты этабында еңеүгә өлгәште.