Йәш яҡташыбыҙ шахмат буйынса Рәсәй беренселегендә көмөш миҙал яуланы
Өфөнөң Әғзәм Фәйзуллин исемендәге 39-сы гимназияһы уҡыусыһы Реана Кинйәбулатова шахмат буйынса Рәсәй беренселегендә көмөш миҙалға лайыҡ булды. Был хаҡта Ленин районы башлығы Олег Котов хәбәр итте.
Шахмат композицияларын сисеү буйынса беренселек Сочиҙа үтте. Турнирҙа илебеҙҙең 9-19 йәшлек иң көслө шахматсылар ҡатнашты. 9 йәшлек шахматсылар араһында Реана Кинйәбулатова көмөш призер булды.
Йәш шахматсы Өфөнөң «Толпар» клубында Рәсәй гроссмейстеры Урал Хәсәновта шөғөлләнә. Реана – Грузияла балалары араһында шахмат буйынса Донъя кубогы еңеүсеһе.