Башҡортостан көрәшсеһе Рәсәй йәштәренең йәйге спартакиадаһы финалына сыҡты
Ярыштар Дондағы Ростов ҡалаһында бара.
Октябрьский көрәшсеһе Данил Мәрҙәнов грек-рим көрәше буйынса Рәсәй йәштәренең йәйге спартакиадаһы финалына сыҡты. Был хаҡта Башҡортостандың Спорт көрәше федерацияһынан хәбәр иттеләр.
Данил финалда Италияла юниорҙар араһында грек-рим көрәше буйынса Европа беренселеге еңеүсеһе Санкт-Петербургтан Игорь Пунченко (63 килограмм) менән көрәшә. Алиджон Бурхонов 60 килограмм ауырлыҡ категорияһында бронза миҙал өсөн көс һынаша. Ярышта Башҡортостан исеменән дүрт көрәшсе ҡатнаша.
