Башҡортостан ҡыҙы Алина Зураева – ҡырғыҙ көрәше буйынса донъя чемпионы
Башҡортостандан Алина Зураева ҡырғыҙ көрәше буйынса донъя чемпионы исемен яуланы. Яҡташыбыҙ 66 килограмм ауырлыҡ категорияһында алтын миҙал алды, тип хәбәр итә республика вице-премьеры – спорт министры Руслан Хәбибов.
«Бындай еңеүҙәр осраҡлы хәл түгел, ә көндәлек хеҙмәт, дисциплина һәм ныҡлы рух көсө. Спортсыны һәм уның тренеры Әлфиә Әлимғужинаны ҡотлайым», — тип яҙа Руслан Хәбибов.
Көрәш һәм ҡырғыҙ көрәше буйынса донъя чемпионаты Ҡазанда үтте. Ярыштарҙа 31 илдән 400-ҙән ашыу спортсы, вәкил һәм судья ҡатнашты.
«Ҡырғыҙ көрәше көрәштең башҡа традицион төрҙәренә, шул иҫәптән башҡорт көрәшенә лә яҡын», — тип билдәләне спорт министры.