Республикабыҙ еңел атлеттары Чебоксарҙа 29 миҙал яуланы
Башҡортостан спортсылары Чебоксарҙа еңел атлетика буйынса Волга буйы федераль округы чемпионатында һәм беренселегендә егерме туғыҙ миҙал алды.
Турнирҙа 14 төбәктән 1000-дән ашыу спортсы ҡатнашты. Улар биш йәш категорияһында ярышты.
Башҡортостандың спорт министрлығы хәбәр итеүенсә, республика командаһы туғыҙ алтын, 14 көмөш, алты бронза наградаларға лайыҡ булды. 1-3 августа команда Краснодарҙа Йәштәр спартакиадаһы финалында ҡатнаша.