Өфө шорт-трексылары – Бөтә Рәсәй ярыштарының бронза призерҙары
Өфө шорт-трексылары Пензала конькиҙа уҙышыу спорты буйынса Бөтә Рәсәй ярыштарында бронза миҙалдар яуланы. Йәш яҡташтарыбыҙ өс миҙал алды, тип хәбәр итә Башҡортостан Спорт министрлығының телеграм-каналы.
Эрик Ерьесов – 777 метрлыҡ, ә Гордей Ельменев 222 метрлыҡ дистанцияла өсөнсө булып килде. Вероника Волошина, Арина Князева, Дарья Вишневская һәм Аида Мостафина команда эстафетаһында тағы бер миҙал яуланы.
Бынан алдараҡ Өфө тенниссыһы халыҡ-ара ярыштарҙа алтын миҙалға лайыҡ булғайны.
