Башҡортостандан тау саңғысыһы Францияла донъя чемпионатында бронза миҙал яуланы
Башҡортостандан тау саңғысыһы Карина Закирова интеллектуаль тайпылыштары булған спортсылар араһында тау саңғыһы спорты буйынса ВИРТУС донъя чемпионатында бронза миҙалға лайыҡ булды. Республиканың Адаптив спорт үҙәгенән хәбәр итеүҙәренсә, ярыштар Францияла Тинь тау саңғыһы курорты трассаларында бара.
Турнирҙа 11 илдән спортсылар ҡатнаша. Карина Закирова супер-гигантта өсөнсө урынды алды. Спортсыны Рәсәй йыйылма командаһының баш тренеры Кристина Коваленко әҙерләгән.
Бынан алдараҡ «Башинформ» яҡташыбыҙ Карина Закированың Рәсәй чемпионы исемен яулауы тураһында хәбәр иткәйне.