Башҡортостандан ауыр атлет дүрт ил рекорды ҡуйҙы
Нефтекаманан ауыр атлет Айһылыу Ниғмәтйәнова дүрт ил рекорды ҡуйып, Рәсәй беренселегендә еңеү яуланы. Был хаҡта Башҡортостан вице-премьеры — спорт министры Руслан Хәбибов үҙенең телеграм-каналында хәбәр итә.
«Айһылыуға 14 кенә йәш... Бына ниндәй көслө алмаш үҫә беҙҙә! Афарин!» — тип яҙа Хәбибов.
Спортсының Илзирә Усманова етәкселегендә шөғөлләнеүе билдәле.
Бынан алдараҡ Башинформ Өфөнән Азалия Әминеваның рингта яңы рекорд ҡуйыуы хаҡында хәбәр иткәйне.