Өфөлә шорт-трек буйынса Рәсәй чемпионаты үткәрелә
Бөгөн, 7 мартта, Өфөлә «шорт-трек» дисциплинаһында конькиҙа уҙышыу спорты буйынса Рәсәй чемпионаты башлана. Ярыштар Семен Елистратов исемендәге шорт-трек үҙәгендә ойошторола.
Өфөгә Рәсәйҙең 15 төбәгенән һәм Беларусь Республикаһынан 80-дән ашыу спортсы килә, тип хәбәр иттеләр Башҡортостан хөкүмәтенең матбуғат хеҙмәтенән. Ҡатнашыусылар араһында Европа чемпионаттары, донъя чемпионаттарын һәм Олимпия уйындары еңеүселәре һәм призерҙары бар. Башҡортостандан ил беренселегендә өс спортсы ҡатнаша.
Ярыштарҙы асыу тантанаһы 8 мартта була. Инеү бушлай.
Хәбәр иткәнебеҙсә, Өфөнөң «Салауат Юлаев» хоккей клубы «Амур»ҙы еңде.