Яҡташыбыҙ фехтование буйынса Европа беренселегендә бронза миҙал яуланы
Өфө егете Искәндәр Булатов фехтование буйынса Европа беренселегендә бронза призер булды. Был хаҡта Башҡортостан вице-премьеры – спорт министры Руслан Хәбибов үҙенең телеграм-каналында хәбәр итте.
Беренсе урынды Түбәнге Новгород өлкәһенән Александр Керик алды, ул финал алышында француз Адриен Элми Кокоянакты еңде. Курскиҙан Павел Пузанков та бронза награла яуланы.
Фехтование буйынса Европа беренселеге Төркиәнең Анталья ҡалаһында бара.
«Башинформ» шулай уҡ Башҡортостан спортсыһының Рәсәй беренселегендә еңеүе хаҡында хәбәр иткәйне.