Башҡортостан фристайлсыһы Рәсәй кубогын яуланы
Башҡортостан фристайлсыһы Ксения Шаронова «акробатика» дисциплинаһында Рәсәй кубогын яуланы. Республиканың Спорт министрлығынан хәбәр итеүҙәренсә, спортсы ярыштарҙың икенсе этабында еңеүгә өлгәште.
Бынан тыш, Илдар Хәкимов бронза миҙалға лайыҡ булды. Ике спортсы ла Елена һәм Роберт Муллағәлиевтар етәкселегендә тау саңғыһы спорты буйынса олимпия резервындағы спорт мәктәбендә шөғөлләнә.
Бынан алдараҡ «Башинформ» «Салауат Юлаев»тың сит майҙанда «Авангард» менән уйнауы тураһында хәбәр иткәйне.