Өфө фристайлсыһы – Бөтә Рәсәй ярыштары чемпионы
Өфөнән фристайлсы Софья Сизова Пермь крайында уҙған Бөтә Рәсәй ярыштары чемпионы булды. Республиканың Спорт министрлығында белдереүҙәренсә, Софья юниорҙар араһында «ски-кросс» дисциплинаһында алтын миҙал яуланы.
Өфөнән Илья Терехов та бронза миҙалға лайыҡ булды. Ике спортсы ла Тәлғәт Саяпов етәкселегендә тау саңғыһы спорты буйынса олимпия резервындағы спорт мәктәбендә шөғөлләнә, тип хәбәр иттеләр Башҡортостандың Йәштәр сәйәсәте һәм спорт министрлығында.
«Башинформ» яҙғанса, Өфө биатлонсыһы Антон Бабиков Берҙәмлек кубогы этабында бронза миҙал алды.
