Өфө бадминтонсыһы Бөтә Рәсәй ярыштарында көмөш миҙал яуланы
Өфө бадминтонсыһы Галина Мезенцева Рәсәй Гран-прийы серияһының бадминтон буйынса Бөтә Рәсәй турнирында көмөш миҙалға лайыҡ булды. Ҡыуаныслы яңылыҡты республиканың Спорт министрлығы хәбәр итә.
Ярымфиналда Галина Рәсәй чемпионатының көмөш призерын еңде, финалда иһә 21:19, 21:17 иҫәбе менән ун дүрт тапҡыр Рәсәй чемпионы Евгения Косецкаянан еңелде.
Галина Мезенцева – Өлфәт Мостафин исемендәге спорт әҙерлеге үҙәге тәрбиәләнеүсеһе, «Рәсәйҙең спорт мастеры».
