Ҡаҙағстандың Алматы ҡалаһы янындағы тауҙа моторһыҙ дельтаплан спорты буйынса БДБ илдәре араһындағы чемпионат тамамланды.

Сарала яҡын һәм алыҫ сит илдәрҙән йөҙләгән спортсы ҡатнашты. Ныҡышмалы көрәштә Башҡортостан дельтаплансыһы Азат Мәсәлимов еңеүсе булды.
Азат Мәсәлимов — Рәсәйҙең спорт мастеры, дельтаплан спорты буйынса халыҡ-ара класлы спорт мастеры. Әүәлерәк ул Башҡортостандың йыйылма командаһы составында алты тапҡыр республика чемпионы, Төркиәлә үткән донъя чемпионатының бронза призеры булғайны. Әле спортсы Өфөлә йәштәрҙе күнектерә.