Башҡортостан баскетболсылары ветерандар араһындағы донъя чемпионатында призер булды. Ярыш Грецияның Салоники ҡалаһында үтте. Бында бөтә донъянан 150 команда йыйылды.

70 йәшлек һәм унан олораҡтар категорияһында Әмир Вәлитов менән Виктор Трофимов Санкт-Петербург командаһы өсөн уйнаны. Ярҙамсы төркөмдә улар беренсе урынды яуланы. Ә бына ярымфиналда рәсәйҙәр Бразилияның 1-се йыйылма командаһынан 34:48 иҫәбе менән еңелде. Бронза өсөн алышта баскетболсыларыбыҙ Бразилияның 2-се командаһын еңеүгә өлгәште. Ошо категория финалында американдар ярыштың һуңғы секундында 45:44 иҫәбе менән бразилиялыларҙы артта ҡалдырҙы.
Әле Башҡортостан спортсылары 4 августа Италияның Турин ҡалаһында башланасаҡ ветерандар араһындағы Олимпия уйындарына әҙерләнә.