..."Содовик" стадионы шау-гөр килә. Бер урында турникта ҡалҡыналар, икенсеһендә һикерәләр, саҡ ҡына ситтәрәк тирләп-бешеп йүгерәләр. Ҡыҫҡаһы, VI класты тамамлаған балалар араһында ойошторолған фестиваль ҡыҙғандан-ҡыҙа бара.

Ярышҡа төбәктең 36 районы һәм 18 ҡалаһынан 700-ҙән ашыу йәш спортсы килгәйне. Көйәрмәндәргә күңелһеҙләнергә форсат булманы: сығыштар сәмле барҙы.
Ике көнлөк фестивалдең һөҙөмтәләренә килгәндә, ҡалалаларҙан килгән уҡыусылар араһында беренсе урынды күмертауҙар яулаһа, райондыҡыларҙан көйөргәҙеләргә етеүсе булманы.