Башҡортостан Президенты Рөстәм Хәмитов инвалид спортсылар араһында шайбалы хоккей буйынса II донъя чемпионатында еңеү яулаған Рәсәйҙең йыйылма командаһы спортсыларына һәм тренерҙарына ҡотлау телеграммаһы ебәрҙе.

Унда былай тиелә:
“Беҙ Башҡортостан хоккейсыларының спортҡа һәләтен Рәсәй йыйылма командаһы составында тулыһынса сағылдыра алыуына шатбыҙ. Ошо оҫталыҡ тренерҙарҙың эше менән берлектә яҡшы һөҙөмтәгә өлгәшеү мөмкинлеген бирҙе. Һеҙҙең ихтыяр көсөгөҙ, ҡаһарманлығығыҙ һәм команданың яҡшы уйыны Рәсәй көйәрмәндәренә онотолмаҫ ғорурлыҡ минуттары бүләк итте, паралимпия спортын яңы бейеклеккә күтәрҙе.
Һеҙ артабан да ватан спортының данлы традицияларын үҫтерерһегеҙ, тип ышанам. Ныҡлы һаулыҡ һәм спортта Башҡортостан, бөтә Рәсәй даны хаҡына яңынан-яңы еңеүҙәр теләйем!”