Түбәнге Новгородта үткән икенсе ярышта Өфөнөң “Ағиҙел” командаһы ҡатын-ҡыҙҙар араһындағы хоккей буйынса Рәсәй чемпионаты еңеүселәренең береһе булған “СКИФ” командаһын 3:2 иҫәбе менән еңеп сыҡты. Ҡапҡасыны алмаштырыу ҙа “СКИФ”-ҡа әллә ни файҙа килтермәне.

“Ағиҙел” был миҙгелдә алтын миҙалға дәғүә итеүселәрҙе еңгән икенсе команда булды. Әлегә тиклем “СКИФ”-ты төп конкуренты — Дмитровтан “Торнадо” ғына еңеүгә өлгәшкәйне.