Тиҙҙән Өфө донъя спорты үҙәгенә әүереләсәк — VI Халыҡ-ара балалар уйындарына тиклем аҙ ғына ваҡыт ҡалды. Хәтерегеҙгә төшөрәйек: йәш спортсыларҙың ярыштары республикабыҙҙың баш ҡалаһында 26 февралдән 3 мартҡа тиклем барасаҡ.

Өфөләге мөһим сараға донъяның 22 иленән 62 ҡала вәкиле килеүе көтөлә. Ҡышҡы уйындар өсөн был — бик ҙур һан. Баш ҡалабыҙға Канада, Литва, Швейцария, Ҡаҙағстан, Венгрия, АҠШ, Германия, Австрия, Словения, Украина, Көньяҡ Корея, Белоруссия, Нидерландтар, Греция, Австралия, Ҡытай, Италия, Монголия, Эстония илдәренән һәм, әлбиттә, Рәсәйҙән спортсылар, шулай уҡ меңдән ашыу ҡатнашыусы, ҡунаҡтар киләсәк.
Әле сит ил командалары өсөн Халыҡ-ара балалар уйындарының реклама ролигы сығарылған. Уны Интернетта http:// www.youtube.com/watch?v=mWZhl5fRWps&feature=yоutu.be адресы буйынса ҡарарға мөмкин.